Дивное Дивеево

На главную Иконы Икона святого апостола и евангелиста Иоанна Богослова

Кондак 1

Избранный Господем от мрежей рыбарских на проповедь Евангелиа и от ловли рыб на уловление человеков во свет истиннаго боговедения, великий апостоле, учениче, друже и наперсниче Христов, моли единаго истиннаго Человеколюбца, Егоже ты приискренне возлюбил еси, да помилует нас, ищущих твоего к Нему предстательства и зовущих ти: Радуйся, Иоанне апостоле, наперсниче Христов и Богослове.

Икос 1

Ангельских сил и всякия твари Творца, Владыку и Господа, восприемшаго плоть нашу и явльшагося на земли спасения нашего ради, узрев ходяща при мори Галилейстем и взывающа тя со братом твоим, Иоанне блаженне, в звание апостольства, оставль мрежи рыбарския и отца твоего в корабли, неуклонно оттоле последовал еси стопам Спасителевым. Сего ради вопием ти сице: Радуйся, любве ради ко Христу отца по плоти оставивый; радуйся, Христом Небеснаго Отца обретый. Радуйся, мир и вся его прелести презревый; радуйся, небесная благая в воздаяние получивый. Радуйся, плоть духу совершенно поработивый; радуйся, дух твой Сладчайшему твоему Учителю Иисусу покоривый. Радуйся, Иоанне апостоле, наперсниче Христов и Богослове.

Кондак 2

Видя Христос Господь непорочную чистоту твоего сердца, плотскими сластьми не омраченную, суди тебе достойна быти зрения таинственных откровений, яко да, проницая во глубину богословия, возможеши проповедати тое во услышание всего мира. Сего ради “сын громов” от Господа наречен был еси и Тому возопил еси: Аллилуиа.

Икос 2

Разумом истиннаго богопознания озаряя твою душу, шествовал еси вослед Благаго Учителя твоего, поучаяся из уст Его исходящей премудрости, и совершеннаго ради твоего незлобия и девственнаго целомудрия был еси возлюблен Христом Господом твоим. Услыши убо ны, воспевающия ти сице: Радуйся, незлобия рачителю; радуйся, девства и чистоты хранителю. Радуйся, любве к Богу и ближним учителю, радуйся, добрых нравов наставниче. Радуйся, смиренномудрия зерцало; радуйся, Божественныя благодати светило. Радуйся, Иоанне апостоле, наперсниче Христов и Богослове.

Кондак 3

Силу Божества Христова, сокрытую под облаком немощнаго человеческаго естества познал еси явно, егда Господь наш, воскрешая дщерь Иаирову и последи преображаяся на Фаворе, сподоби тя со инема двема ученикома свидетеля быти таковых преславных чудес. Увидев же, яко Христос есть Бог истинный, из глубины сердца твоего воззвал еси Ему: Аллилуиа.

Икос 3

Имея велие дерзновение к возлюбившему тя Христу Сыну Божию, возлегл еси на персех Его при совершении Тайныя Вечери, и егда прорицаше Господь о предателе Своем, тогда един ты дерзнул еси вопросите о имени его. Сего ради вопием ти: Радуйся, возлюбленный Христов учениче; радуйся, присный Его друже. Радуйся, невозбранно на персех Господних возлежавый; радуйся, дерзновенно о имени предающаго вопросивый. Радуйся, паче иных ко Христу ближайший; радуйся, словеса Господня, якоже сокровище многоценное, слагавый в сердце своем. Радуйся, Иоанне апостоле, наперсниче Христов и Богослове.

Кондак 4

Буря ярости и злобнаго неистовства жестокосердых и неблагодарных иудеев, егда воста на Христа Сына Божия, тогда вси ученицы Его, страхом объяти бывше, бежаша; но ты, любовь крепльшую к Нему имея, даже до Креста и смерти не отступил еси от Него, на вся муки Христовы взирая и соболезнуя сердцем Деве Матери Божией, плачущей и рыдающей. Удивляяся же крайнему милосердию и долготерпению Божию, взывал еси к Пострадавшему за род человеческий: Аллилуиа.

Икос 4

Вися на Кресте пригвожденный за грехи наша Спас мира и видев тя и Матерь Свою предстоящия, сына тя Преблагословенней Деве Богородице вдал есть, глаголя Ей: “Жено, се сын Твой, — и тебе паки: — Се Мати твоя”. Мы же, дивящеся любви Христове, на тебе явленней, воспеваем сице: Радуйся, сын Божия Матере быти сподобивыйся; радуйся, того ради наипаче ко Христу, яко некиим духовным родством, присвоивыйся. Радуйся, Матери Божией достойно послуживый; радуйся, Сию, якоже матерь свою, во всякой чести у себя имевый. Радуйся, и во Успении честное и святое Ея тело ко гробу проводивый; радуйся, со блистающеюся райскою ветвию, Архангелом Гавриилом принесенною, одру Ея предшедый. Радуйся, Иоанне апостоле, наперсниче Христов и Богослове.

Кондак 5

Боготечная звезда явился еси во Асии, отшед в ню на проповедание слова Божия, якоже жребием указася тебе. Но на пути твоем попусти Господь быти тебе ввержену в море: благодать же Божия, всегда с тобою пребывающая, сохрани тя в водах морских жива, и по четыредесятих днех повеле волне морстей, да воспенившися извержет тя на брег. Егда же узре сия ученик твой Пpoхор, уже много плакавый о кончине твоей, велиим гласом воззва чудодействующему Богу: Аллилуиа.

Икос 5

Видевше ефесстии жителие преславное чудо, тобою сотворенное, егда отрока Домна, умерщвленнаго от беса, молитвою твоею воскресил еси, воспеша велегласно силу Бога, тобою им проповеданнаго, и избавльшеся от гнуснаго идолослужения, взываху тебе сице: Радуйся, истиннаго Бога служителю; радуйся, бесов прогонителю. Радуйся, мертвецы силою Христовою оживляяй; радуйся, тою жизнь и здравие людем возвращаяй. Радуйся, помраченныя умом к Свету Истины призываяй; радуйся, правыя веры просвещением к добродетели наставляяй. Радуйся, Иоанне апостоле, наперсниче Христов и Богослове.

Кондак 6

Проповедник богоносный слова Божия во Ефесе был еси, и усердствуя о распространении благодати евангельския, утверждал еси твое учение знаменьми великими и чудными, капище же Артемидино единою молитвою низпровергл еси, да зряще сие, язычницы познают Единаго Бога, Емуже мы вопием: Аллилуиа.

Икос 6

Возсия во Ефесе, якоже солнце, свет веры Христовы, тобою проповеданныя, егда злочестивый Дометиан воздвиже гонение на христианы; тогда и тебе, яко усерднаго исповедника имене Христова, посла епарх в Рим связана, идеже и претерпел еси страшная мучения. Тех ради благочестно возглашаем ти сицевая: Радуйся, Христова ради исповедания биенный; радуйся, чашу смертоноснаго яда невредно испивый. Радуйся, в котле елеа кипящаго не сваривыйся; радуйся, силою Христовою в лютых мучениих цел сохранивыйся. Радуйся, твоим невреждением кесаря, мучащаго тя, устрашивый; радуйся, сим же народ о величествии Бога, от христиан почитаемаго, уверивый. Радуйся, Иоанне апостоле, наперсниче Христов и Богослове.

Кондак 7

Егда узре мучитель, яко и лютейшия муки, яже от него претерпел еси, не возмогоша умертвити тебе, тогда, возмнев тя безсмертна быти, во остров Патмос на изгнание осуждает. Ты же, повинуяся Промыслу Божию, тако благоволившему, благодарственно воспевал еси Богу, вся во благое устрояющему: Аллилуиа.

Икос 7

Новая чудеса показал еси язычником, ища обратити их ко спасителъней вере Христове, егда пловущу ти во изгнание твое, повелением твоим отрока утопшаго море на корабль жива изверже, буря укротися, вода сланая в сладкую претворися, воин от чревнaго недуга исцелися, и по пришествии твоем в Патмос, бес пытливый, будущая прорицавый, из одержимаго им изгнася. Тогда вси зрящии таковая дивная знамения, тобою совершаемая, прихождаху к познанию Триипостаснаго Бога и крещахуся. Мы же тя ублажаем тако: Радуйся, морю и бури повелеваяй; радуйся, сатанинския духи от человек изгоняяй. Радуйся, болезни единым словом исцеляяй; радуйся, всем в нуждах помощь подаваяй. Радуйся, чудесы твоими идолопоклонник удививый; радуйся, учением твоим неверныя во истинней вере утвердивый. Радуйся, Иоанне апостоле, наперсниче Христов и Богослове.

Кондак 8

Странно бе видети жрецем Аполлоновым, яко храм бога их и вся бывшия в нем идолы ты единым словом на землю низпровергл еси. Чудящеся убо о сем и ярящеся на таковое твое дерзновение, идоша к волхву некоему, велию силу от сатаны в себе имевшему, просяще его, да отмстит безчестие бога их; он же, слеп сый душею, не ведая силы, в тебе обитающия, покушашеся привидении различными тебе устрашити и на тя народ подвигнути: обаче сам окаянный погрузися в море и тамо погибе, безсильным бывшим бесом спасти его, ты бо воспретил еси им именем Иисуса Христа Сына Божия, Егоже прослави народ, чудесе свидетель, воспев: Аллилуиа.

Икос 8

Весь исполнен быв любве Божественныя, явился еси вместилище даров Святаго Духа: будущая прорицал еси, отстоящая, яко близ сущая, возвещал еси, недужныя исцелял еси, жене игемона на острове Патмосе, в болезни рождения страждущей, едва на праг дому ея вступив, облегчение даровал еси. Приими убо от нас, грешных, похвалы сицевыя: Радуйся, благодати Божия вместилище; радуйся, Духа Святаго обиталище. Радуйся, реко, чудоточная цельбоносныя в болезнех силы; радуйся, источниче наставлений, приводящих к познанию правыя веры. Радуйся, коварства лукаваго сатаны обличаяй; радуйся, верныя от козней его защищаяй. Радуйся, Иоанне апостоле, наперсниче Христов и Богослове.

Кондак 9

Всякое беззаконие истребляя ревностно от среды людей, к нимже послан был еси, обличил еси прельщение идолопоклонников, иже почитаху беса, во образе волка превелика людем являвшегося, и многия от них к вере Христове привел еси: таже капище Вакхово молитвою твоею разрушил еси, и волхва Нукиана вкупе с домашними его к покаянию чудесы твоими обратил еси. Тии же, от греха ко спасению обратившеся, немолчно взываху Богу: Аллилуиа.

Икос 9

Ветийство мудрости человеческия не возможет изрещи, ниже ум плотскаго человека постигнута, яже ты возвестил еси нам о безначальнем бытии Триипостаснаго Бога: подобно бо Моисею, во громех и блистаниих на горе приял еси от Бога тайну богословия и возгласил еси миру, яко в начале бе Слово, Отцу искони неразлучное и всему сущему виновное, имущее Свет Жизни, егоже тьма не может объяти. Озаряеми таковым облистанием света Божественныя Истины, почитаем тя яко таинника Безначальныя Троицы и воспеваем тя яко Богослова совершеннейшаго: Радуйся, орле, воспаривый до самаго огнеобразнаго Престола Божия; радуйся, трубо, возвестившая миру Предвечнаго и Безначальнаго Бога. Радуйся, человечество и Божество Христово нам изьясняяй; радуйся, дивная словеса и наставления Господня во Евангелии твоем нам возвещаяй. Радуйся, любви делом и истиною нас научаяй; радуйся, пребывающим в любви пребывание в них Бога обещаваяй. Радуйся, Иоанне апостоле, наперсниче Христов и Богослове.

Кондак 10

Спасти хотя души человеческия, всяко поучал еси люди веровати во Христа Сына Божия, имети совесть незазорну и любити друг друга, да возмогут не токмо зде, но и в селениих праведных воспети лепотно Всемогущему Богу: Аллилуиа.

Икос 10

Стены Горняго Иерусалима узрев во откровении, возвестил еси нам, яже тамо видел еси и яже имут быти до скончания мира, сказуя нам сие иносказательными словесы, яже может разумети токмо ум, имеяй мудрость. Удивляющееся таковому дару пророчествия, тебе от Бога дарованному, воспеваем тя сице: Радуйся, познанием Сущаго и Иже бе и Грядущаго превозшедый естество человеческое; радуйся, вместилище таинств, невместимых человеческим умом, бывый. Радуйся, неизреченная Божия откровения узревый; радуйся, сия верным преподавый. Радуйся, радости святых еще в жизни сей познавый; радуйся, оными ныне в преизбыточествии наслаждаяйся. Радуйся, Иоанне апостоле, наперсниче Христов и Богослове.

Кондак 11

Пение благодарственное принесе тебе, святый апостоле Иоанне, христианин, иже в нищету пришед и не имый чим воздати своим заимодавцем, во отчаяние впаде и искаше сам себе умертвити; ты же, проповедник любве ко ближним сый, желая избавити того от временныя и вечныя смерти, крестным знамением сено во злато претворил еси и сие тому вручил еси, да сим златом и долги отдаст заимодавцем, и дом свой пропитает, Богу же, тобою его облагодетельствовавшему, да поет: Аллилуиа.

Икос 11

Светозарная душа твоя, достигши в меру возраста совершеннаго, познала есть приближение времене, егда подобает тленному наследити обещанное нетление и смертному обещанное безсмертие. Скончавая убо земное житие твое, повелел еси учеником твоим землею покрыти до верха тело твое; слышавше же о сем, сущии во граде братия приидоша ко гробу твоему и, откопавше, ничтоже в нем обретоша. Темже познавше, яко изменение твое сотворися не обычным человеческим смертным успением, воспеша тебе тако: Радуйся, орле, обновивый юность твою приближением к Солнцу Славы Божия; радуйся, таковым изменением превозшедый вся уставы естества человеческаго. Радуйся, по обетованию Благаго Учителя твоего возседый на единем от дванадесяти престолов; радуйся, творяй на том суд и правду посреде людей Божиих Израиля. Радуйся, наслаждаяйся лицезрением Сладчайшаго Иисуса, к Немуже на перси прежде Его страсти и Воскресения возлегл еси; радуйся, от Его милосердия ходатайствуяй нам вся благая. Радуйся, Иоанне апостоле, наперсниче Христов и Богослове.

Кондак 12

Благодать дана бысть от Бога месту тому, идеже тело твое земли предано бяше, да испускает в день погребения твоего тонкий прах на исцеление болящим, показуя сим чудом, како прославляет Бог любящия Его, да вси, зряще сие, непрестанно сердцем и усты во дни и в нощи вопием Ему: Аллилуиа.

Икос 12

Поюще труды твоя во апостольстве и чудеса и исцеления, яже источал еси, и источаеши благодатию Духа Святаго, в тебе обитающаго, восхваляем Бога, даровавшаго нам таковаго путеводителя, наставляющаго нас на путь спасения и милосердующаго о немощех наших. Приими убо от нас, святый апостоле, похвалы сицевыя: Радуйся, благовестниче веры Христовы усерднейший; радуйся, учителю Церкве Христовы изряднейший. Радуйся, богословов начало и основание; радуйся, Божественных Тайн возвестителю. Радуйся, девствующих образе и целомудрия правило; радуйся, всех верных, ко твоему заступлению прибегающих, скорый помощниче и покровителю. Радуйся, Иоанне апостоле, наперсниче Христов и Богослове.

Кондак 13

О преславный и всехвальный апостоле и евангелисте, наперсниче Христов возлюбленный Иоанне! Твоим всесильным ходатайством ко Всеблагому твоему Учителю и нашему Владыце и Господу испроси нам вся благая временная и вечная и христианскую кончину жития нашего, да с тобою и со ангельскими лики в селении праведных воспоем Триипостасному Богу: Аллилуиа.

(Этот кондак читается трижды, затем икос 1 и кондак 1)

Молитвы святому апостолу и евангелисту Иоанну Богослову

Молитва первая

О великий апостоле, евангелисте громогласный, Богослове изящнейший, тайновидче неизреченных откровений, девственниче и возлюбленный наперсниче Христов Иоанне! Приими нас, грешных, под твое сильное заступление прибегающих. Испроси у Всещедраго Человеколюбца Христа Бога нашего, Иже пред очесы твоими Кровь Свою за ны, непотребныя рабы Своя, излиял есть, да не помянет беззаконий наших, но да помилует нас и сотворит с нами по милости Своей: да дарует нам здравие душевное и телесное, всякое благоденствие и изобилие, наставляя нас обращати оная во славу Его, Творца, Спасителя и Бога нашего, по кончине же временныя жизни нашея от немилосердных истязателей на воздушных мытарствах да избавит нас, и тако да достигнем, тобою водимии и покрываемии, Горняго онаго Иерусалима, егоже славу ты во откровении зрел еси, ныне же нескончаемыя радости наслаждаешися. О великий Иоанне! Сохрани вся грады и страны христианския, храм сей, служащих и молящихся в нем, от глада, губительства, труса и потопа, огня и меча, нашествия иноплеменных и междоусобныя брани; избави нас от всякия беды и напасти и молитвами твоими отврати от нас праведный гнев Божий, и Его милосердие нам испроси, да вкупе с тобою сподобимся прославляти в невечернем дни пресвятое имя Отца и Сына и Святаго Духа во веки веков. Аминь.

Молитва вторая

О великий и всехвальный апостоле и евангелисте Иоанне Богослове, наперсниче Христов, теплый наш заступниче и скорый в скорбех помощниче! Умоли Господа Бога даровати нам оставление всех прегрешений наших, елика согрешихом от юности нашея во всем житии нашем делом, словом, помышлением и всеми нашими чувствы; во исходе же душ наших помози нам, грешным (имена), избавитися от воздушных мытарств и вечнаго мучения, да твоим милостивным предстательством прославляем Отца и Сына и Святаго Духа, ныне и присно и во веки веков. Аминь.

Молитва третья

О великий и непостижимый Боже! Се на умоление Тебе предлагаем святого Иоанна, егоже Ты сподобил еси неизреченных откровений, приими о нас ходатайство, даруй нам исполнение прошений наших во славу Твою, паче же соверши нас духовным совершенством к наслаждению, жизни нескончаемыя в Небесных Твоих обителях! О Небесный Отче, создавый вся Владыко, Всесильный Царю! Коснися благодатию сердец наших, да, растаявше, яко воск, пролиются пред Тобою и бренная тварь духовна сотворится в честь и славу Твою, и Сына Твоего, и Святаго Духа. Аминь.

Тропарь на преставление апостола Иоанна Богослова

Тропарь, глас 2

Апостоле, Христу Богу возлюбленне, ускори избавити люди безответны: приемлет тя припадающа, иже падша на перси приемый Егоже моли, Богослове, и належащую мглу языков разгнати, прося нам мира и велия милости.

Кондак, глас 2

Величия твоя, девственниче, кто повесть? Точиши бо чудеса и изливаеши исцеления, и молишися о душах наших, яко Богослов и друг Христов.

Величание

Величаем тя, апостоле Христов и Евангелисте Иоанне Богослове, и чтем болезни и труды твоя, имиже трудился еси во благовестии Христове.

Всего комментариев: 167

Страницы:   « 1 2 3 4

О великий и всехвальный апостоле и евангелисте Иоанне Богослове, наперсниче Христов, теплый наш заступниче и скорый в скорбех помощниче! Умоли Господа Бога даровати нам оставление всех прегрешений наших, елико согрешихом от юности нашея, во всем житии нашем, делом, словом, помышлением и всеми нашими чувствы. Во исходе же душ наших помози нам, грешным - р.Б Владимиру и р.Б.Зинаиды, избавитися воздушных мытарств и вечнаго мучения. Молю помоги образумь, направь на путь истинный р.Б.Владимира. Пусть он вернётся в семью и пусть в нашей семье царит любовь, верность, понимание и уважение к друг другу до конца наших дней. Возроди между мной и мужем любовь и здоровое общение и спаси нас от отчуждения; уведи нас от порога, за которым начинается развод. Отведи мужа от разлучницы Татьяны, от её чар и блуда, разрушевшего семью! Не дай свершиться греху!!! Помоги восстановить семью, любовь и добрые отношения. Святый апостоле Иоанне Богослове, помяни грешных рабов Зинаиду и Владимира в своей святой молитве перед Господом, заступись и не оставь без своего святого участия!
Да твоим милостивным предстательством прославляем Отца и Сына и Святаго Духа, ныне и присно и во веки веков. Аминь.

Святый апостоле Христов и евангелисте Иоанне Богослове!К святой твоей помощи прибегаю и прошу, умоли Господа нашего и Спасителя простить и помиловать меня,грешную и недостойную Его рабу, прошу о вразумлении и исцелении души мужа моего. Умоли Господа Бога Святого Отца -оградить силою Честного и животворящего креста р.Б. Владимира от блудницы разрушившей семью нашу.Она ему во внучки годится!!! Не дай свершиться греху! Помоги восстановить семью, любовь и добрые отношения, заступись и не оставь без своего святого участия, не дай дойти до отчаяния, не дай свершиться разводу!!!! Каждый день слёзно умоляю об этом! Помоги мне! Мы прожили с ним 43 года и я не смогу без него жить!!! Умоляю!!! Пусть муж вернётся в семью! Во имя Отца и Сына и Святого Духа! Аминь!

Святый апостоле Христов и евангелисте Иоанне Богослове!К святой твоей помощи прибегаю и прошу, умоли Господа нашего и Спасителя простить и помиловать меня,грешную и недостойную Его рабу, прошу о вразумлении и исцелении души мужа моего. Умоли Господа Бога Святого Отца -оградить силою Честного и животворящего креста р.Б. Владимира от блудницы разрушившей семью нашу.Она ему во внучки годится!!! Не дай свершиться греху! Помоги восстановить семью, любовь и добрые отношения, заступись и не оставь без своего святого участия, не дай дойти до отчаяния, не дай свершиться разводу!!!! Каждый день слёзно умоляю об этом! Помоги мне! Мы прожили с ним 43 года и я не смогу без него жить!!! Умоляю!!! Во имя Отца и Сына и Святого Духа! Аминь!

О великий и всехвальный апостоле и евангелисте Иоанне Богослове, наперсниче Христов, теплый наш заступниче и скорый в скорбех помощниче! Умоли Господа Бога даровати нам оставление всех прегрешений наших, елика согрешихом от юности нашея во всем житии нашем делом, словом, помышлением и всеми нашими чувствы; во исходе же душ наших помози нам, грешным Наталье и Павлу, избавитися от воздушных мытарств и вечнаго мучения. Помоги вразумить и привести к покаянию мужа. Умоляю!!! Помоги возродить мир, любовь и покой в нашей молодой семье, не довести до развода, обзавестись детьми! Да твоим милостивным предстательством прославляем Отца и Сына и Святаго Духа, ныне и присно и во веки веков. Аминь

О великий и всехвальный апостоле и евангелисте Иоанне Богослове, наперсниче Христов, теплый наш заступниче и скорый в скорбех помощниче! Умоли Господа Бога даровати нам оставление всех прегрешений наших, елико согрешихом от юности нашея, во всем житии нашем, делом, словом, помышлением и всеми нашими чувствы. Во исходе же душ наших помози нам, грешным - р.Б Владимиру и р.Б.Зинаиды, избавитися воздушных мытарств и вечнаго мучения. Молю помоги образумь, направь на путь истинный р.Б.Владимира. Верни моего мужа верным и любящим! Возроди между мной и мужем здоровое общение и спаси нас от отчуждения; уведи нас от порога, за которым начинается развод.
Да твоим милостивным предстательством прославляем Отца и Сына и Святаго Духа, ныне и присно и во веки веков. Аминь.

Святой апостоле Христов Иоане! Ты апостол Любви! Прошу у тебя любви и помощи в устройстве моей жизни, в создании семьи. Прошу мужа любимого и любящего. Вознеси свои Святые молитвы ко Господу. Верю в твою скорую помощь. Благодарю! Слава Богу за все! Во имя Отца и Сына и Святого Духа. Аминь.

Святый апостоле Христов и евангелисте Иоанне Богослове!К святой твоей помощи прибегаю и прошу, умоли Господа нашего и Спасителя простить и помиловать меня,грешную и недостойную Его рабу, прошу о вразумлении и исцелении души мужа моего. Умоли Господа Бога Святого Отца -оградить силою Честного и животворящего креста раба Божьего Владимира от блудницы разрушившей семью нашу.Помоги восстановить семью, любовь и добрые отношения, заступись и не оставь без своего святого участия! Во имя Отца и Сына и Святого Духа! Аминь!

О великий и всехвальный апостоле и евангелисте Иоанне Богослове, наперсниче Христов, теплый наш заступниче и скорый в скорбех помощниче! Умоли Господа Бога даровати нам оставление всех прегрешений наших, елика согрешихом от юности нашея во всем житии нашем делом, словом, помышлением и всеми нашими чувствы; во исходе же душ наших помози нам, грешным Зинаиде и Владимиру, избавитися от воздушных мытарств и вечнаго мучения. Помоги вразумить и привести к покаянию мужа. Умоляю!!! помоги вернуть его в семью, к детям и внучкам! Помоги возродить любовь мужа и восстановить грехом разрушенную семью нашу, не довести до развода! Да твоим милостивным предстательством прославляем Отца и Сына и Святаго Духа, ныне и присно и во веки веков. Аминь

О великий и всехвальный апостоле и евангелисте Иоанне Богослове, наперсниче Христов, теплый наш заступниче и скорый в скорбех помощниче! Умоли Господа Бога даровати нам оставление всех прегрешений наших, елико согрешихом от юности нашея, во всем житии нашем, делом, словом, помышлением и всеми нашими чувствы. Во исходе же душ наших помози нам, грешным - р.Б Владимиру и р.Б.Зинаиды, избавитися воздушных мытарств и вечнаго мучения. Молю помоги образумь, направь на путь истинный р.Б.Владимира. Пусть он вернётся в семью и пусть в моей семье царит любовь, верность, понимание и уважение к друг другу до конца наших дней. Возроди между мной и мужем здоровое общение и спаси нас от отчуждения; уведи нас от порога, за которым начинается развод.
Да твоим милостивным предстательством прославляем Отца и Сына и Святаго Духа, ныне и присно и во веки веков. Аминь.

Святый апостоле Иоанне, не отринь мольбы недостйной грешницы! О помощи молю тебя, всехвальный громогласный апостоле, наперсниче возлюбленный Христов! Вознеси ко Господу сильную и благомощную твою молитву, да сохранит Господь по ней супружество мое и помилует! Святый апостоле, заступись за меня, молю! Упроси Господа простить мне и мужу моему грехи наши по неизреченной милости Господней! Упроси Господа вразумить мужа моего, грешного раба Сергия, наставить его на путь истинный, озарить его душу и разум Светом, не попустить греха клятвоотступничества и развода,упроси Господа вразумить мужа от блуда и порочных связей! Милостивый апостоле Иоанне, моли Господа о нас,грешных и молитвой твоей спасен будет наш брачный сюз и чадо,что ношу под сердцем,родится в законном браке.Помоги, умоляю! Во имя Отца и Сына и Святого Духа!Аминь

Святой Апостол Иоанн Богослов! Умоляю тебя,помолись за меня перед Господом нашим! Помоги мне грешной выздороветь,сохранить своё маленькое дело,прости грехи мои,Во имя Отца иСына и Святага Духа! Аминь!

О великий и всехвальный апостоле и евангелисте Иоанне Богослове, наперсниче Христов, теплый наш заступниче и скорый в скорбех помощниче! Умоли Господа Бога даровати нам оставление всех прегрешений наших, елико согрешихом от юности нашея, во всем житии нашем, делом, словом, помышлением и всеми нашими чувствы. Во исходе же душ наших помози нам, грешным - р.Б Петру и р.Б.Фотинии, избавитися воздушных мытарств и вечнаго мучения, да твоим милостивным предстательством прославляем Отца и Сына и Святаго Духа, ныне и присно и во веки веков. Аминь.

О великий и всехвальный апостоле и евангелисте Иоанне Богослове,! Моли Господа Бога о прощении нам Ларисе Алексею Ольге Иоанну наших грехов вольных и невольных .Помоги нам восстановить грехом разрушенную семью нашу.Вразуми раба Божьего Алексея , настави на исполнение Заповедей Божьих. Умоли Господа Бога Святого Отца -оградить силою Честного и животворящего креста раба Божьего Алексея от блудницы разрушившей семью нашу.Во имя Отца и Сына и Святого Духа.Аминь

Святый апостоле Христов и евангелисте Иоанне Богослове!К святой твоей помощи прибегаю и прошу, умоли Господа нашего и Спасителя простить и помиловать меня,грешную и недостойную Его рабу, прошу о вразумлении и исцелении души мужа моего раба Божьего Сергия от всего греховного и богопротивного,нечестивого и бесовского . Святый апостоле Иоанне Богослове, помяни грешных рабов Нину и Сергия в своей святой молитве перед Господом, заступись и не оставь без своего святого участия! Во имя Отца и Сына и Святого Духа! Аминь!

О Святый апостол и евангелист Иоанн Богослов! Молю тебя, Отче наш, благослови и вразуми руководителя моего главного, даруй мне рабе Божьей Ирине руководящую должность на моей работе. Да будет так! Даруй мне спокойствия на моей работе, даруй мне успеха и достатка на моей работе, повышения по службе, благосостояния и финансовой стабильности. Прошу повышения не из тщеславных, а добрых побуждений. Прошу, молю, тебя избавляй нашу семью от кредитов и долгов, благослови меня и мою семью так, что мы всегда сыты и есть все необходимое для жизни. Даруй мне силы и возможность помогать голодным, нуждающимся и сиротам, помогать в восстановлении нашего монастыря. Заступись, попроси, услышь, увидь, Отче, помоги, прости, прости. Да будет так! Аминь. Господи, помилуй мя грешную! Тебе Господи, ведомо, что для меня полезно: сотвори же со мной по воле Твоей. Аминь. Земной поклон.

О великий и всехвальный апостоле и евангелисте Иоанне Богослове,! Моли Господа Бога о прощении нам Ларисе Алексею Ольге Иоанну наших грехов.Помоги нам восстановить грехом разрушенную семью нашу.Вразуми раба Божьего Алексея , настави на исполнение Заповедей Божьих.Во имя Отца и Сына и Святого Духа.Аминь

Святый апостоле Христов Иоанне Богослове!Вразуми моего мужа!Дай ему почувствовать всю мерзость его грехов!Настави Сергия на стези Господних заповедей,на покаяние и исправления!Помоги мне,грешной Марине!Верни моего мужа верным и любящим!Моли Бога о нас.Во имя Отца и Сына и Святого Духа.Аминь.

Страницы:   « 1 2 3 4