Дивное Дивеево

Тропарь мучеников, глас 8:
Воздержа́нием страсте́й огнепа́льныя/ умертви́вше зра́ки и движе́ния, Христо́вы му́ченицы/ прия́ша благода́ть неду́ги отгоня́ти немощны́х/ и жи́вше и по кончи́не чудоде́йствовати./ Вои́стинну чу́до пресла́вно, я́ко ко́сти на́ги источа́ют исцеле́ния.// Сла́ва Еди́ному и Созда́телю Бо́гу.

Кондак мучеников, глас 4:
Добропе́сненный глас твои́х слове́с,/ Ермоге́на из глубины́ поги́бели возве́д,/ поста́ви на ка́мени жи́зни,/ отону́дуже и Евгра́ф, царя́ обличи́в,/ ра́дуяся, посека́ется в сла́вную главу́,/ но приле́жно моли́, Ми́но,// спасти́ся всем, любо́вию чту́щим тя.
Комментариев: 1

Тропарь преподобного Нила Столобенского, глас 4:
́Яко свети́льник всесве́тел,/ яви́лся еси́ во о́строве Селиге́ра е́зера,/ преподо́бне о́тче Ни́ле,/ ты бо, крест Христо́в от ю́ности своея́ на ра́мо взем,/ усе́рдно Тому́ после́довал еси́,/ чистото́ю Бо́гови прибли́жився,/ отону́дуже и чуде́с дарова́нием обогати́лся еси́./ Тем и мы, притека́юще к ра́це моще́й твои́х, уми́льно глаго́лем:/ о́тче преподо́бне,/ моли́ Христа́ Бо́га// спасти́ся душа́м на́шим.

Кондак преподобного Нила Столобенского, глас 8:
Оте́чества, преподо́бне, удали́вся, в пусты́ню всели́лся еси́,/ и, на о́стров Селиге́ра е́зера возше́д,/ жесто́ко житие́ показа́л еси́, и, мно́гих доброде́тельми удиви́в,/ дарова́ния чуде́с от Христа́ прия́л еси́./ Помина́й нас, чту́щих па́мять твою́, да зове́м ти:// ра́дуйся, Ни́ле, о́тче наш.
Комментариев: 1

Тропарь преподобного Алипия, глас 1:
Терпе́ния столп был еси́,/ ревнова́вый пра́отцем, преподо́бне,/ И́ову во страсте́х, Ио́сифу во искуше́ниих,/ и Безпло́тных жи́тельству, сый в телеси́,/ Али́пие о́тче наш,// моли́ Христа́ Бо́га спасти́ся душа́м на́шим.

Кондак преподобного Алипия, глас 8:
́Яко доброде́телей вину́ и по́стников удобре́ние,/ Це́рковь сла́вит тя днесь и воспева́ет, Али́пие:/ моли́твами твои́ми пода́ждь чту́щим любо́вию до́блести твоя́ и боре́ния// лю́тых прегреше́ний избавле́ние, я́ко тезоимени́тый.
Комментариев: 1

Тропарь священномучеников Климента и Петра, глас 4:
Бо́же оте́ц на́ших,/ творя́й при́сно с на́ми по Твое́й кро́тости,/ не оста́ви ми́лость Твою́ от нас, но моли́твами их// в ми́ре упра́ви живо́т наш

Кондак священномучеников Климента и Петра, глас 4:
Це́ркве недви́жимии и боже́ственнии пи́ргове,/ благоче́стия боже́ственнии столпи́/ вои́стинну кре́пцыи,/ Кли́менте с Петро́м всехва́льнии,// ва́шими моли́твами соблюди́те вся.
Комментариев: 1

Тропарь великомученицы Екатерины, глас 4:
Доброде́тельми, я́ко луча́ми со́лнечными,/ просвети́ла еси́ неве́рныя мудрецы́,/ и, я́коже пресве́тлая луна́ ходя́щим в нощи́,/ неве́рия тьму отгна́ла еси́/ и цари́цу уве́рила еси́,/ вку́пе же и мучи́теля обличи́ла еси́,/ богозва́нная неве́сто, блаже́нная Екатери́но,/ жела́нием востекла́ еси́ в Небе́сный черто́г/ к прекра́сному Жениху́ Христу́,/ и от Него́ ца́рским венце́м венча́лася еси́:/ Ему́же, со А́нгелы предстоя́щи,/ за ны моли́ся,// творя́щия пречестну́ю па́мять твою́.

Кондак великомученицы Екатерины, глас 2:
Лик честны́й боже́ственне, мучениколю́бцы,/ воздви́гните ны́не,/ почита́юще всему́друю Екатери́ну,/ сия́ бо в три́знищи Христа́ пропове́да и зми́я попра́,// ри́торов ра́зумы укроти́вши.
Комментариев: 1

Сегодня исполняется 40 дней по преставлении ко Господу геронды Григория (Зумиса), игумена святогорского монастыря Дохиар. Чем больше дней проходит, тем ярче проступает образ аввы в воспоминаниях тех, кто прошел его школу. Предлагаем рассказ человека, который предпочел скрыться под именем Mαθητής[1].
Комментариев: 2

Тропарь апостола и евангелиста Матфея, глас 3:
Усе́рдно от мы́тницы к зва́вшему Влады́це Христу́,/ я́вльшуся на земли́ челове́ком за бла́гость,/ Тому́ после́довав, апо́стол избра́нный яви́лся еси́/ и благове́стник Ева́нгелия вселе́нней велегла́сен./ Сего́ ра́ди чтим честну́ю па́мять твою́, Матфе́е богоглаго́ливе,/ моли́ Ми́лостиваго Бо́га,// да грехо́в оставле́ние пода́ст душа́м на́шим.

Кондак апостола и евангелиста Матфея, глас 4:
Мыта́рства и́го отве́рг,/ пра́вды и́гу притя́глся еси́/ и яви́лся еси́ купе́ц всеизря́днейший,/ бога́тство прине́с ю́же с высоты́ прему́дрость./ Отону́дуже пропове́дал еси́ и́стины сло́во/ и уны́лых воздви́гл еси́ ду́ши,// написа́в час Су́дный.
Комментариев: 1

Тропарь мучеников и исповедников Гурия, Самона и Авива, глас 5:
Чудеса́ святы́х Твои́х му́ченик/ сте́ну необори́му нам дарова́вый, Христе́ Бо́же,/ тех моли́твами сове́ты язы́ков разори́,/ Це́рковь Святу́ю укрепи́,// я́ко Еди́н Благ и Человеколю́бец.

Кондак мучеников и исповедников Гурия, Самона и Авива, глас 2:
С высоты́, му́дрии, благода́ть прие́мше,/ су́щим во искуше́ниих предстои́те, всехва́льнии./ Те́мже отрокови́цу, святи́и, от сме́рти го́рькия изба́висте,// вы бо вои́стинну есте́ Еде́су сла́ва и ми́ру ра́дость.
Комментариев: 2

Святитель Григорий Палама, архиепископ Солунский, родился в 1296 году в Малой Азии. Во время турецкого нашествия семья бежала в Константинополь и нашла приют при дворе Андроника II Палеолога (1282–1328)
Комментариев: 1

Тропарь апостола Филиппа, глас 3:Благоукраша́ется вселе́нная,/ Ефио́пия ликовству́ет,/ я́ко венце́м красу́ема,/ тобо́ю просвети́вшися,/ све́тло торжеству́ет па́мять твою́,/ богоглаго́ливе Фили́ппе,/ вся бо ве́ровати Христу́ научи́л еси́/ и тече́ние соверши́л досто́йно Ева́нгелия./ Те́м дерзнове́нно вари́т Ефио́пская рука́ к Бо́гу,// Его́же моли́ дарова́ти нам ве́лию ми́лость.Кондак апостола Филиппа, глас 8:Учени́к и друг Твой и подража́тель стра́сти Твоея́,/ вселе́нней Бо́га Тя пропове́да богоглаго́ливый Фили́пп;/ того́ моли́твами от враго́в пребеззако́нных// Це́рковь Твою́ и всяк град Твой Богоро́дицею соблюди́, Многоми́лостиве.
Комментариев: 1