Дивное Дивеево

Преподобный Мартирий, диакон Печерский, в Дальних пещерах (ХIII-ХIV). Его святое имя вспоминается в 7 песни канона преподобным Дальних пещер. Здесь прославляются его трудолюбие, праведность и сердечная чистота, а также дар изгнания бесов и исцеления недугов
Комментариев: 1

Тропарь апостола и евангелиста Луки, глас 5:
Апо́стольских дея́ний сказа́теля/ и Ева́нгелия Христо́ва све́тла списа́теля,/ Луку́ препе́таго,/ сла́вна су́ща Христо́ве Це́ркви,/ пе́сньми свяще́нными свята́го апо́стола похва́лим,/ я́ко врача́ су́ща,/ челове́ческия не́мощи,/ естества́ неду́ги и я́зи душ исцеля́юща// и моля́щася непреста́нно за ду́ши на́ша.

Кондак апостола и евангелиста Луки, глас 2:
́Истиннаго благоче́стия пропове́дника/ и та́ин неизрече́нных ри́тора,/ звезду́ церко́вную, Луку́ боже́ственнаго восхва́лим:/ Сло́во бо его́ избра́, с Па́влом му́дрым язы́ков учи́теля,// Еди́н ве́дый серде́чная.
Комментариев: 1

Комментариев: 1

Тропарь апостола Фомы, глас 2:Учени́к Христо́в быв,/ боже́ственнаго собо́ра апо́стольскаго соприча́стник,/ неве́рствием бо Христо́во Воскресе́ние извести́в/ и Того́ Пречи́стую Страсть осяза́нием уве́рив,/ Фомо́ всехва́льне,// и ны́не нам проси́ ми́ра и ве́лия ми́лости.Или тропарь апостола Фомы, глас 3:Апо́столе святы́й Фомо́,/ моли́ Ми́лостиваго Бо́га,/ да прегреше́ний оставле́ние// пода́ст душа́м на́шим.Кондак апостола Фомы, глас 4:Прему́дрости благода́ти испо́лнен,/ Христо́в апо́стол/ и служи́тель и́стинный/ в покая́нии вопия́ше Тебе́:// Ты мой еси́ Бог же и Госпо́дь.
Комментариев: 1

Тропарь священномученика Киприана, глас 4:
И нра́вом прича́стник... (см. приложение 2)

Кондак священномученика Киприана и мученицы Иустины, глас 1:
От худо́жества волше́бнаго обрати́вся, богому́дре,/ к позна́нию Боже́ственному,/ показа́лся еси́ ми́ру врач мудре́йший,/ исцеле́ния да́руя честву́ющим тя, Киприа́не со Иусти́ною:/ с не́юже моли́ся Человеколю́бцу Влады́це// спасти́ ду́ши на́ша.

Тропарь священномученика Григория, глас 4:
И нра́вом прича́стник,/ и престолом наместник апостолом быв,/ деяние обрел еси, богодухновенне,/ в видения восход;/ сего ради слово истины исправляя,/ и веры ради пострадал еси даже до крове,/ священномучениче Григорие,/ моли Христа Бога// спастися душам нашим.

Кондак священномученика Григория, глас 2:
Благосла́внаго и священнонача́льника вси,/ я́ко страда́льца и́стины,/ днесь, ве́рнии, в пе́снех и песнопе́ниих восхва́лим,/ бо́драго па́стыря и учи́теля Григо́рия,/ всеми́рнаго свети́льника и побо́рника,// Христу́ бо мо́лится, е́же спасти́ся нам.
Комментариев: 2

Тропарь преподобного Кириака, глас 1:
Пусты́нный жи́тель, и в телеси́ А́нгел,/ и чудотво́рец показа́лся еси́, богоно́се о́тче наш Кириа́че,/ посто́м, бде́нием, моли́твою Небе́сная дарова́ния прии́м,/ исцеля́еши неду́жныя и ду́ши ве́рою притека́ющих к тебе́./ Сла́ва Да́вшему тебе́ кре́пость,/ сла́ва Венча́вшему тя,// сла́ва Де́йствующему тобо́ю всем исцеле́ния.

Кондак преподобного Кириака, глас 2:
Чистото́ю душе́вною боже́ственно вооружи́вся/ и непреста́нную моли́тву, я́ко копие́, вручи́в кре́пко,/ ссекл еси́ де́монская ополче́ния,/ Кириа́че, о́тче наш,// моли́ся непреста́нно о всех нас.
Комментариев: 1

Тропарь преподобных Кирилла и Марии, глас 3:
Блаже́нств Христо́вых прича́стницы,/ честна́го супру́жества и попече́ния о ча́дех до́брый о́бразе,/ пра́веднии Кири́лле и Мари́е,/ плод благоче́стия, Се́ргия преподо́бнаго, нам яви́вшии,/ с ни́мже усе́рдно моли́те Го́спода/ низпосла́ти нам дух любве́ и смиренному́дрия,/ да в ми́ре и единомы́слии// просла́вим Тро́ицу Единосу́щную.

Кондак преподобных Кирилла и Марии, глас 4:
Днесь, ве́рнии, соше́дшеся,/ восхва́лим дво́ицу блаже́нную, благове́рнаго Кири́лла и Мари́ю добронра́вную,/ ти́и бо мо́лятся вку́пе со возлю́бленным сы́ном свои́м, преподо́бным Се́ргием,/ ко Еди́ному во Святе́й Тро́ице Бо́гу,/ Оте́чество на́ше в правове́рии утверди́ти,/ до́мы ми́ром огради́ти,/ ю́ныя от напа́стей и собла́знов изба́вити,/ ста́рость укрепи́ти// и спасти́ ду́ши на́ша.
Комментариев: 1

Тропарь мученика Каллистрата и дружины его, глас 4:
Му́ченицы Твои́, Го́споди,/ во страданиих своих венцы прияша нетленныя от Тебе Бога нашего:/ имуще бо крепость Твою,/ мучителей низложиша,/ сокрушиша и демонов немощныя дерзости,/ тех молитвами спаси души наша.

Кондак мучеников, глас 4:
Многообра́зныя ра́ны претерпе́вше/ и венцы́ от Бо́га я́ве прии́мше,/ о нас моли́теся, блаже́ннии, Христу́,/ па́мять всепра́зднственную ва́шу соверша́ющих,/ велича́йший Каллистра́те со страда́вшими с тобо́ю,/ е́же умири́ти па́ству и лю́ди:// То́й бо е́сть ве́рных утвержде́ние.
Комментариев: 1

Тропарь апостола и евангелиста Иоанна Богослова, глас 2:
Апо́столе, Христу́ Бо́гу возлю́бленне,/ ускори́ изба́вити лю́ди безотве́тны:/ прие́млет тя припа́дающа/ И́же па́дша на пе́рси Прие́мый,/ Его́же моли́, Богосло́ве,/ и належа́щую мглу язы́ков разгна́ти,// прося́ нам ми́ра и ве́лия ми́лости.

Кондак апостола и евангелиста Иоанна Богослова, глас 2:
Вели́чия твоя́, де́вственниче, кто пове́сть?/ То́чиши бо чудеса́, и излива́еши исцеле́ния,/ и мо́лишися о душа́х на́ших,// я́ко Богосло́в и друг Христо́в. Величание апостола Иоанна Богослова Велича́ем тя,/ апо́столе Христо́в и евангели́сте Иоа́нне Богосло́ве,/ и чтим боле́зни и труды́ твоя́,/ и́миже труди́лся еси́// во благове́стии Христо́ве.
Комментариев: 1