Дивное Дивеево

На главную Новости Прочее Чудотворная икона Богородицы «Троеручница»

МОЛИТВЫ БОГОРОДИЦЕ У ИКОНЫ «ТРОЕРУЧИЦА» Молитва первая «О Пресвятая и Преблагословенная Дево, Богородице Марие! Припадаем и покланяемся Тебе пред святою иконою Твоею, воспоминающе преславное чудо Твое, исцелением усеченныя десницы преподобнаго Иоанна Дамаскина от иконы сея явленное, егоже знамение доныне видимо есть на ней, во образе третия руки, ко изображению Твоему приложенныя. Молимся Ти и просим Тя, всеблагую и всещедрую рода нашего Заступницу: услыши нас, молящихся Тебе, и якоже блаженнаго Иоанна, в скорби и болезни к Тебе возопившаго, услышала еси, тако и нас, скорбящих и болезнующих ранами страстей многоразличных, не презри, усердно к Тебе от души сокрушенныя прибегающих. Ты зриши, Госпоже Всемилостивая, немощи наша, озлобление наше, нужду, во Твоей помощи потребу, яко отвсюду врази окружают нас, и несть помогающаго, ниже заступающаго, аще не Ты умилосердишися о нас, Владычице. Ей, молим Ти ся, вонми гласу болезненному нашему и помози нам святоотеческую православную веру до конца дней наших непорочно сохранити, во всех заповедех Господних неуклонно ходити, покаяние истинное о гресех наших всегда Богу приносити, и сподобитися мирныя христианския кончины и добраго ответа на Страшем суде Сына Твоего и Бога нашего, Егоже умоли за нас Матернею молитвою Твоею, да не осудит нас по беззаконием нашим, но да помилует нас по велицей и неизреченней милости Своей. О Всеблагая! Услыши нас и не лиши нас помощи Твоея державныя, да Тобою спасение получивше, воспоем и прославим Тя на земли живых и рождшагося от Тебе Искупителя нашего, Господа Иисуса Христа, Емуже подобает слава и держава, честь и поклонение, купно со Отцем и Святым Духом, всегда, ныне и присно и во веки веков. Аминь». Вторая молитва «О Пресвятая Госпоже Владычице Богородице, велие чудо святому Иоанну Дамаскину явившая, яко веру истинную и надежду несумненную показавшему! Услыши нас, грешных раб Твоих (имена), пред чудотворною Твоею иконою усердно молящихся и просящих Твоея помощи: не отрини моления сего многих ради прегрешений наших, но, яко Мати милосердия и щедрот, избави нас от болезней, скорбей и печалей, прости содеянныя нами грехи, исполни радости и веселия всех чтущих святую икону Твою, да радостно воспоем и любовию прославим имя Твое, яко Ты еси от всех родов избранная, благословенная во веки веков. Аминь». Тяжелобольному на исцеление «О, Пресвятая и Преблагая Дева Богородица Мария! Припадаем и поклоняемся тебе пред святою иконой Твоею, помня прославленное чудо Твое, исцелением усеченных десницы преподобного Иоанна Дамаскина, от иконы сей явленное. Его же знамение доныне видимо есть на ней во образе третьей руки, к изображению Твоему приложена. Помоги, Троеручица, в исцелении причудной Твоею рукой рабы Божьей (имя). И услыши нас, и не лиши нас помощи Твоей Державной. Во имя Отца и Сына и Святого Духа. Аминь».

Всего комментариев: 6

Дорогая Матерь Божия Мария! Всем сердцем, всей душой молю Тебя за внука моего Кирилла и дочь Анну. Помоги им выздороветь, даруй им здоровья и счастья, помоги им обрести прежнее хорошее здоровье и радость. Прости их за грехи вольные и невольные. Не остави их, Дорогая Богородица, на твоё заступление уповаем и от всего сердца благодарим Тебя! Спасибо, Богородица, за всё!

Пресвятая Богородица, прости нас грешных, исцели болезни наши.

Пресвятая Богородица!!!! Прошу, улади и управи всеми моими делами наилучшим для меня образом. Прости меня грешную. Во Имя Отца и Сына и Святаго Духа.Аминь.

Пресвятая Богородица! прости нас грешных, исцели болезни наши.

Пресвятая Богородица Моли Бога о нас грешных.

Матерь Божия ,Царица Небесная моли Бог о нас!