Дивное Дивеево

Тропарь святителей Афанасия и Кирилла, глас 4:
Бо́же оте́ц на́ших,/ творя́й при́сно с на́ми по Твое́й кро́тости,/ не отста́ви ми́лость Твою́ от нас,/ но моли́твами их// в ми́ре упра́ви живо́т наш.

Ин тропарь святителей Афанасия и Кирилла, глас 3:
Де́лы возсия́вше правосла́вия,/ все погаси́вше злосла́вие,/ победи́телие, победоно́сцы бы́сте,/ благоче́стием вся обогати́вше,/ Це́рковь вельми́ украси́вше,/ досто́йно обрето́сте Христа́ Бо́га,// да́рующаго нам ве́лию ми́лость.

Кондак святителя Афанасия, глас 2:
Правосла́вия насади́в уче́ния,/ злосла́вия те́рпение изсе́кл еси́, умно́жив се́мя ве́ры одожде́нием Ду́ха, преподо́бне,// те́мже тя пое́м, Афана́сие.

Кондак святителей Афанасия и Кирилла, глас 4:
Священнонача́льницы велича́йшии благоче́стия/ и до́блии побо́рницы Це́ркве Христо́вы,/ вся соблюди́те, пою́щия:/ спаси́, Ще́дре,// ве́рою чту́щия Тя.
Комментариев: 3

Кондак мученицы Татианы, глас 4:
Све́тло во страда́нии твое́м возсия́ла еси́, страстоте́рпице,/ от крове́й твои́х преиспещре́на/ и, я́ко кра́сная голуби́ца,/ к Небеси́ возлете́ла еси́, Татиа́но,// те́мже моли́ при́сно за чту́щия тя.
Комментариев: 2

Тропарь и кондак Богоявления

Тропарь праздника, глас 1: Во Иорда́не креща́ющуся Тебе́, Го́споди,/ Тро́йческое яви́ся поклоне́ние:/ Роди́телев бо глас свиде́тельствоваше Тебе́,/ Возлю́бленнаго Тя Сы́на имену́я,/ и Дух в ви́де голуби́не/ изве́ствоваше словесе́ утвержде́ние./ Явле́йся, Христе́ Бо́же,// и мир просвеще́й, сла́ва Тебе́.

Кондак праздника, глас 4: Яви́лся еси́ днесь вселе́нней,/ и свет Твой, Го́споди, зна́менася на нас,/ в ра́зуме пою́щих Тя:/ прише́л еси́ и яви́лся еси́,// Свет Непристу́пный.

Тропарь Предтечи, глас 2: Па́мять пра́веднаго с похвала́ми,/ тебе́ же довле́ет свиде́тельство Госпо́дне, Предте́че:/ показа́л бо ся еси́ вои́стинну и проро́ков честне́йший,/ я́ко и в струя́х крести́ти сподо́бился еси́ Пропове́даннаго./ Те́мже, за и́стину пострада́в, ра́дуяся,/ благовести́л еси́ и су́щим во а́де Бо́га, я́вльшагося пло́тию,/ взе́млющаго грех ми́ра// и подаю́щаго нам ве́лию ми́лость.

Кондак Предтечи, глас 6: Плотска́го Твоего́ прише́ствия убоя́вся,/ Иорда́н стра́хом возвраща́шеся;/ проро́ческое же служе́ние исполня́я,/ Иоа́нн тре́петом спря́ташеся;/ А́нгельския чи́ни ужаса́хуся,/ зря́ще Тя, во струя́х пло́тию креща́ема;/ и вси, су́щии во тьме, озаря́хуся,// воспева́юще Тя, я́вльшагося и просвети́вшаго вся.

Тропарь Крещения Господня глас 1-й
Во Иордане крещающуся Тебе, Господи, Троическое явися поклонение: Родителев бо глас свидетельствовавше Тебе, возлюбленнаго Тя Сына именуя, и Дух в виде голубине, извествоваше словесе утверждение. Явлейся, Христе Боже, и мир просвещей, слава Тебе.
Кондак Крещения Господня глас 4-й
Явился еси днесь вселенней, и свет Твой, Господи, знаменася на нас, в разуме поющих Тя: пришел еси и явился еси Свет неприступный.
Величание Крещения Господня
Величаем Тя, Живодавче Христе, нас ради ныне плотию крестившагося от Иоанна в водах Иорданских.
Комментариев: 2

Тропарь преподобного Серафима, глас 4:
От ю́ности Христа́ возлюби́л еси́, блаже́нне,/ и, Тому́ Еди́ному рабо́тати пла́менне вожделе́в,/ непреста́нною моли́твою и трудо́м в пусты́ни подвиза́лся еси́,/ умиле́нным же се́рдцем любо́вь Христо́ву стяжа́в,/ избра́нник возлю́блен Бо́жия Ма́тере яви́лся еси́./ Сего́ ра́ди вопие́м ти:// спаса́й нас моли́твами твои́ми, Серафи́ме, преподо́бне о́тче наш.

Кондак преподобного Серафима, глас 2:
Ми́ра красоту́ и я́же в нем тле́нная оста́вив, преподо́бне,/ в Саро́вскую оби́тель всели́лся еси́/ и, та́мо а́нгельски пожи́в,/ мно́гим путь был еси́ ко спасе́нию,/ сего́ ра́ди и Христо́с тебе́, о́тче Серафи́ме, просла́ви/ и да́ром исцеле́ний и чуде́с обогати́./ Те́мже вопие́м ти:// ра́дуйся, Серафи́ме, преподо́бне о́тче наш.
Комментариев: 2

Тропарь Обрезания Господня, глас 1:
На Престо́ле огнезра́чнем/ в Вы́шних седя́й со Отце́м Безнача́льным и Боже́ственным Твои́м Ду́хом,/ благоволи́л еси́ роди́тися на земли́/ от Отрокови́цы Неискусому́жныя, Твоея́ Ма́тере, Иису́се,/ сего́ ра́ди и обре́зан был еси́, я́ко Челове́к осмодне́вный./ Сла́ва всеблаго́му Твоему́ сове́ту,/ сла́ва смотре́нию Твоему́,// сла́ва снизхожде́нию Твоему́, Еди́не Человеколю́бче.

Кондак Обрезания Господня, глас 3:
Всех Господь обреза́ние терпи́т/ и челове́ческая прегреше́ния, я́ко Благ, обре́зует,/ дае́т спасе́ние днесь ми́ру./ Ра́дуется же в Вы́шних и Созда́телев иера́рх,// и светоно́сный, боже́ственный таи́нник Христо́в Васи́лий.
Комментариев: 1

Тропарь и кондак Рождества Христова
Тропарь праздника, глас 4:
Рождество́ твое́, Христе́ Бо́же наш,/ возсия́ ми́рови свет ра́зума,/ в нем бо звезда́м служа́щии/ звездо́ю уча́хуся/ Тебе́ кла́нятися, Со́лнцу Пра́вды,/ и Тебе́ ве́дети с высоты́ Восто́ка.// Го́споди, сла́ва Тебе́!

Кондак праздника, глас 3:
Де́ва днесь Пресу́щественнаго ражда́ет,/ и земля́ верте́п Непристу́пному прино́сит,/ Áнгели с па́стырьми славосло́вят,/ волсви́ же со звездо́ю путеше́ствуют,/ нас бо ра́ди роди́ся// Отроча́ Мла́до, Преве́чный Бог.
Комментариев: 2

Христос рождается - славьте!
Христос с небес - встречайте!
Христос на земле - возноситесь!
Воспойте Господу, вся земля!

Тропарь праздника, глас 4:
Рождество́ твое́, Христе́ Бо́же наш,/ возсия́ ми́рови свет ра́зума,/ в нем бо звезда́м служа́щии/ звездо́ю уча́хуся/ Тебе́ кла́нятися, Со́лнцу Пра́вды,/ и Тебе́ ве́дети с высоты́ Восто́ка.// Го́споди, сла́ва Тебе́!

Кондак праздника, глас 3:
Де́ва днесь Пресу́щественнаго ражда́ет,/ и земля́ верте́п Непристу́пному прино́сит,/ Áнгели с па́стырьми славосло́вят,/ волсви́ же со звездо́ю путеше́ствуют,/ нас бо ра́ди роди́ся// Отроча́ Мла́до, Преве́чный Бог.
Комментариев: 1

Тропарь предпразднства, глас 4:
Написова́шеся иногда́ со ста́рцем Ио́сифом,/ я́ко от се́мене Дави́дова, в Вифлее́ме Мариа́м,/ чревонося́щи безсе́менное Рожде́ние./ Наста́ же вре́мя рождества́,/ и ме́сто ни еди́ноже бе обита́лищу,/ но я́коже кра́сная пала́та верте́п Цари́це показа́шеся.// Христо́с ражда́ется пре́жде па́дший воскреси́ти о́браз.

Кондак предпразднства, глас 3:
Де́ва днесь преве́чное Сло́во/ в верте́пе гряде́т роди́ти неизрече́нно:/ лику́й, вселе́нная, услы́шавши,/ просла́ви со Áнгелы и па́стырьми/ хотя́щаго яви́тися// Отроча́ Мла́до, Преве́чнаго Бо́га.