Дивное Дивеево

Вся история девеевской обители

Молитву преподобный Серафим Саровский считал для жизни столь же необходимой, как воздух. Он просил и требовал от своих духовных детей, чтобы они непрестанно молились, и заповедал им молитвенное ...
На главную Новости Предпразднство Успения Пресвятой Богородицы
Предпразднство Успения Пресвятой Богородицы

 

Людие, предыграйте, / руками плещуще верно, / и любовию соберитеся, / днесь радующеся / и светло восклицающе вси веселием: / Божия бо Мати имать от земных к Вышним прейти славно, / Юже песньми присно яко Богородицу славим.

 

Празднуя отдание Преображения, мы сходили с Фавора и сегодня же, вступив в предпразднство Успения, мы должны затем перейти в Гефсиманию - ко гробу Богоматери, да видим конечное елико на Ней таинство. Благорадостен Фавор, душеусладительна и Гефсимания. Святая Церковь называет Успение Божией Матери последним на Ней таинством, последним из тех, коими сопровождалась вся земная Ее жизнь. Вся жизнь Пресвятой Девы по своему виду и содержанию была чем-то таинственным и чудным, носящим на себе знамения Божественной печати. Для прославления Божией Матери и нашего назидания, с верою и любовью вспомним, что это были за таинства, совершившиеся Промышлением Божиим на Ней.

Первое таинство в жизни Богоматери открылось в самом Ее рождении, происхождении на свет Божий. От кого произошла Она? От престарелых родителей - вследствие особенной молитвы и обета. Премудрости Божией угодно было, чтобы Та, Которая должна родить Богочеловека, Сама явилась плодом не столько естественных сил человеческой природы, сколько наития благодати Божией. И вот престарелые Иоаким и Анна, достигшие преклонных лет, когда теряется уже для людей всякая надежда стать отцом и матерью, благодаря своей крепкой вере и надежде на Всемогущество Божие, по молитвам своим получают чистый дар неба - Преблагословенную Марию. Так совершилась первая тайна на Ней - во время Ее рождения.

Второе таинство явилось над Ней во время введения Ее во Храм трехлетней Отроковицей. Уже самое введение Ее в таком возрасте было необыкновенно, как следствие особенного, чрезвычайного обета праведных Иоакима и Анны посвятить плод молитв своих Господу. И таким образом Она с самых юных лет могла сродниться духом и сердцем со всем святым. Находясь в Храме на воспитании, Она должна была бы, как и прочие девы, пребывать только в преддверии его, но между тем мы видим, как Святую Отроковицу первосвященник по особому откровению вводит во Святая Святых, куда мог входить только он сам лишь однажды в год. Премудрости Божественной было угодно, чтобы будущая Матерь Божия, одушевленный Кивот Божий, пребывала там, где хранился Ее прообраз - ковчег Завета с манною и скрижалями. Так совершилась вторая тайна на Деве - во время Ее введения во Храм.

Третье таинство над Ней открылось по достижении Ею совершеннолетия. Ветхий Завет, как известно, не знал состояния девства, посвященного Богу и освященного Законом, так, как знает и понимает его Церковь новозаветная, поэтому Пресвятая Дева Мария, достигнув определенного возраста, по примеру прочих дев, должна была избрать Себе супруга. Но Дева Мария объявила, что Она твердо решилась во всю жизнь не принадлежать никому, кроме единого Бога. Первосвященники оказались в недоумении, как поступить; после совещаний и молитв они положили обручить Ее такому человеку, который согласился бы носить имя мужа, не пользуясь его правами. Жребий пал на праведного старца Иосифа, и так Пречистая стала Супругой, не преставая быть Девой, сочетая в Себе таким образом девство и супружество, благословение Ветхого и благодать Нового Завета. Эта тайна обручения служила до времени покровом, необходимым для совершения великой тайны воплощения Сына Божия. А как совершилась самая тайна Боговоплощения, известно из Евангелия. Дева изрекла: Се, Раба Господня (Лк. 1, 38), и сила Вышнего осенила Ее, и Слово стало плотию. Это было таинство из всех таинств, но им не закончились таинства, долженствующие совершиться над Ней. Они только углубились, соделались невидимее, оставаясь весьма назидательными и утешительными для нас.

За этими таинствами следует и тайна Распятия. На Кресте был не один Сын, но была и Матерь. В продолжение всей жизни Своей Она была на кресте, а особенно - на Голгофе. Иначе и не могло быть. Ведь Сам Божественный Сын Ее сказал: Иже не приимет креста своего и в след Мене грядет, несть Мене достоин (Мф. 10, 38). Кто же был достойнее Господа, нежели Матерь Его? Поэтому никто и никогда не носил такого креста в продолжение всей своей жизни, как Преблагословенная Дева Мария.

Крест Ее слагался не из дерева или вещества, а из тех скорбей и уничижений, в которых пребывала Божия Матерь до самой Своей смерти. Приуготованная явиться Матерью Творца неба и земли и приветствованная Архангелом как благословенная между женами, Она в то же время должна страдать от подозрения со стороны хранителя Своего девства, будто бы Она бракоокрадованная. Не крест ли это?

Ей приближается время родить Того, Которого Царствию не будет конца, но для семейства их не находится места в гостиницах вифлеемских, и Она рождает Его в вертепе и полагает в яслях. Не крест ли это? Ангелы поют: Слава в вышних Богу (Лк. 2, 14), пастыри и волхвы поклоняются и приносят дары, а злобный Ирод ищет убить Младенца, и им приходится ночью бежать в Египет. Разве это не крест? А на Голгофе что чувствовало Ее чистое сердце, когда Сын Ее в муках вопиял: Боже Мой, Боже Мой! для чего Ты Меня оставил? (Мф. 27, 46). Здесь, без сомнения, исполнилось во всей силе ужасное предсказание Симеона: И Тебе Самой оружие пройдет душу (Лк. 2, 35).

За тайной распятия последовало усыновление Богородице Христова ученика Иоанна и введение Ее как матери этого Апостола в его дом. Так во всю жизнь Свою предопределено было Ей пребывать в неизвестности, неся долю простой смиренной христианки. И в этом заключалась великая Божественная тайна. Ведь не без значения были сказаны эти удивительные слова со Креста: Жено! се, сын Твой (Ин. 19, 26). Ими и определялся характер всей дальнейшей жизни Богоматери. Когда Божество Сына, с Воскресением и вознесением Его на небо, открылось во всей силе, когда мир начал преклоняться пред именем Распятого, тогда Матери Иисусовой естественно предстояла величайшая честь и слава, подобающая Матери Сына Божия, Спасителя всех человеков. Никто, без сомнения, не мог быть достойнее Марии всякой хвалы, всякого почитания. Однако слава и честь, воздаваемые Пресвятой Деве в продолжение земной жизни Ее, лишили бы Матерь точнейшего сходства с Божественным Сыном, Который до конца жизни Своей не имел где главы приклонить; сопровождалось бы такое прославление Ее и некоторыми неудобствами в деле распространения Евангелия.

Дорогие братия и сестры, Святая Церковь повелевает нам не скорбеть в день Успения Божией Матери, а радоваться, потому что в такой дивной кончине Преблагословенной Девы к утешению всех явилась с особенным торжеством сила Господа, Который смертию Своей и Воскресением сокрушил жало смерти и из страшной и мучительнейшей сделал ее для верных Своих последователей радостной и блаженной. Здесь - первая причина нашей радости.

Во-вторых, мы радуемся о Сам!ой Пречистой, ибо Она после скорбей и страданий, которыми, по предсказанию праведного Симеона, преисполнена была Ее жизнь, наконец получила награду, соответствующую Ее добродетели. Пречистая Дева до самой блаженной кончины Своей умаляла Себя, смирялась, терпела; но с этих пор, со дня Ее Успения, начинается и Ее возвеличение и прославление. Таким образом при гробе Богоматери обнаружилось новое значение смерти, данное ей Воскресшим из гроба: будучи доселе наказанием за грех, она сделалась теперь свидетельницей добродетели, наградой за подвиги, совершенные в жизни.

Третью причину радости изъясняет церковная песнь: В молитвах Неусыпающую Богородицу и в предстательствах непреложное упование гроб и умерщвление не удержаста (Кондак Успения.- Ред.). Если при жизни Своей Она была Ходатаицей за бедных пред Сыном Своим, то по преставлении Ее и вознесении на небо во всей силе стали исполняться сказанные Ею в утешение скорбевшим об Ее отшествии слова: "Не оставлю вас в сиротстве по Моем преставлении - не только вас, но и мир буду посещать, назирать и помогать бедным". По Своем преставлении Пресвятая Дева стала могущественнейшей Предстательницей и Заступницей за всех, поистине Матерью всего христианского мира.

Воспоминая, дорогие братия и сестры, блаженную кончину Богоматери, мы должны позаботиться о том, чтобы и себя достойно приготовить к смерти, чтобы встретить нам ее не со страхом, но с радостью; а для этого нужно постоянное памятование о ней. Это памятование будет постепенно приготовлять нашу душу к переходу в вечную жизнь, отрешать сердце от всех чувственных страстных земных привязанностей. Святые Отцы говорят: "Кто стяжал память смерти, тот никогда не может согрешить".

Второе средство против страха смерти - чистая совесть. Человек с чистой совестью может спокойно переступить порог вечности - смерть телесную. Такой человек может спокойно сказать с праведным Симеоном: Ныне отпущаеши раба Твоего, Владыко, по глаголу Твоему, с миром (Лк. 2, 29). Но у кого же совесть может быть действительно спокойна? - У того, кто старался жить истинно христианской жизнью, кто был послушным сыном Церкви, кто примирился с Богом и людьми, кто приготовился к смерти таинством Покаяния, которое снимает тяготеющее над совестью бремя грехов, и вкусил в таинстве Причащения Тело и Кровь Христовы.

Следующее сильное средство для человека против страха смерти - вера его в бессмертие души. Тело разрушается и истлевает, а дух, созданный Богом для бессмертия, остается жить вечно.

Последнее же и самое могущественное средство есть вера не только в то, что душа бессмертна, но и в то, что будет некогда время, когда она соединится со своим воскресшим, прославленным телом для вечной жизни за гробом - блаженной для праведников, мучительной для грешных. Имея живую веру в эту истину, христианин не только не будет бояться смерти, но и даже с радостью встретит ее, когда она придет к нему. Эта живая вера в существование за гробом вечной блаженной жизни одушевляла бесчисленные сонмы мучеников в первые века христианства и делала смерть для них самым радостным событием, несмотря на страшные мучения.

 

Акафист Успению Пресвятой Богородицы

Кондак 1

Избранной от всех родов Божией Матери и Царице, восходящей от земли к Небеси, благоговейная пения о пречестнем Твоем Успении приносим раби Твои, Богородице. Ты же, яко имущая победу над смертию, от всяких нас смертоносных бед свободи, да зовем Ти: Радуйся, Обрадованная, во Успении Твоем нас не оставляющая.

Икос 1

Ангел предстатель послан бысть рещи Богородице ко премирным Ея возшествие и приити предъявление к Ней Сыну Ея и Богу, светло о Ней блистаяся и стоя, зовый таковая: Радуйся, прерадованная Мати Царева; Радуйся, Небесная Царице, Мати Бога и Господа Небесе и земли. Радуйся, предпочтенная превеличеством пришествия к Тебе Сына Твоего и Бога; Радуйся, возвеличенная извещением Твоего к Сыну отшествия. Радуйся, от всех родов Богом избранная; Радуйся, святое вместилище Слова Божия. Радуйся, пророческаго проречения исполнение; Радуйся, Апостолом пречестный венче. Радуйся, святителем украшение и священником доброто; Радуйся, правителем удобрение и державо. Радуйся, Богомудрых иноков возведение к Горнему Царствию; Радуйся, отверзающая райския двери христианскому роду, присно Тя блажещему. Радуйся, Обрадованная, во Успении Твоем нас не оставляющая.

Кондак 2

Видяще Апостолов лик, всесильным мановением от конец земли на облацех представших ко Пречестному Твоему, Пренепорочная. Успению, священноначальницы: Дионисий — небесный таинник, Иерофей дивный и Тимофей с Боголепною честию священства пояху Богу: Аллилуиа.

Икос 2

Разумная вся тварь, старейшая чиноначалия ангельская приидоша со своим Царем, Иже во Своя живоначальнейшия руце душу Матере Своея прият; теплый же верою Петр со слезами многая к Ней изрече, зовый: Радуйся, ко премирным, Мати Творца миру, восходящая; Радуйся, к пренебесным, пространнейшая небес, вземлющаяся. Радуйся, четверочастное стихий освятившая Твоим восхождением; Радуйся, Небесных возвеселившая Твоим прехождением. Радуйся, во Иерусалим Горний прекрасный приятая; Радуйся, в нерукотворенныя храмы прерадостно вшедшая. Радуйся, Херувимов и Серафимов Царице; Радуйся, Архангелов Владычице. Радуйся, прибежище верных и избавление; Радуйся, достоянию Твоему помощь и защищение. Радуйся, о всем мире христианстем к Богу Ходатаице; Радуйся, благ всяческих Всеблагая Подательнице. Радуйся, Обрадованная, во Успении Твоем нас не оставляющая.

Кондак 3

Сила Вышняго восхити от Индии Фому, за некое изволение Божие не прилучшуся ему в пречестное успение Богоматере, и предпостави живоприемному Ея гробу, иже, Преставльшуюся приник видети, уразуме вознесенную на Небеса с телом и, веровав, о сем возопи: Аллилуиа.

Икос 3

Имея в себе помышление ученик, яко Божиим смотрением бе ему не обрестися ко провождению Богоматере с прочими вкупе, обрадован быв о безсмертнем Ея Успении, сия вопияше к Ней: Радуйся, восприемлемая от земли дланьма Сына Твоего; Радуйся, ко превышним возшедшая наслаждатися славы Его. Радуйся, провождаемая от всех чиноначалий ангельских в Горняя; Радуйся, подъемлемая Херувимы в Небесная и поднебесная. Радуйся, в Небесных вратех от старейших Сил велелепно песньми возносимая; Радуйся, от всех Небесных граждан окружаемая и блажимая. Радуйся, Небо земное, к Горнему селению возвышенное; Радуйся, Престоле Господень, от земли вознесенный в Царствие Небесное. Радуйся, предстательство наше и крепкое заступление; Радуйся, грешником Споручнице во спасение. Радуйся, Христианом Царице и по Бозе Надеждо Небеснаго Царствия; Радуйся, Мати Живота и по Господе нам упование жизни вечныя. Радуйся, Обрадованная, во Успении Твоем нас не оставляющая.

Кондак 4

Бурю внутрь имея Аффоний помышлений неверных и зря Богоносными Апостолы Богоматере Пречестное Тело всечестне ко гробу несенное, ко опровержению устремися; внезапу же, егда со ослеплением очию руце его отъяте ко одру прилеплене висясте, верою Матерь Божию исповедаше, вопия Богу: Аллилуиа.

Икос 4

Слышавше таинницы и самовидцы Слова Ангелов, поющих превышними песньми при погребении Богоприятнаго тела Божия Матере, и честь подати хотяще Богоугодную, потщашася согласно пети, глаголюще: Радуйся, благовестие приемшая о прошествии Твоем в Горнее Царствие; Радуйся, от благовестившаго Гавриила приемшая радостнаго рая вравие. Радуйся, пречестное херувимское множество просветившая; Радуйся, преславное серафимское естество возрадовавшая. Радуйся, от патриархов прообразованная; Радуйся, от пророков предвозвещенная. Радуйся, злую дерзость Аффониеву скоро отметившая; Радуйся, исцеление томужде подавшая. Радуйся, обратившая в веру Аффониево неверие; Радуйся, верное того приемшая исповедание. Радуйся, возводящая к Небеси любовь и веру к Тебе имущих; Радуйся, спасающая верою имя Твое призывающих. Радуйся, Обрадованная, во Успении Твоем нас не оставляющая.

Кондак 5

Боготечныя звезды, Апостоли святии, в поднебесней разсеяннии ради Евангелия, восхищени быша на облацех, по широте воздушней, ко погребению Матере Господни, Юже пеньми и песньми провождающе, с Невещественными взываху: Аллилуиа.

Икос 5

Видевше Боговидцы своего Владыку, в руце Матере Своея душу приемша, и Господа Того разумевше, потщашася священнословия песньми благословне воспети Ю: Радуйся, Царице, над всеми Царствующаго носившая; Радуйся, и Сама рукама Его Сыновнима носимая. Радуйся, скиптре царский в Христовой деснице; Радуйся, в руце Ноя ветвь голубицы. Радуйся, жезле Ааронов, прозябший нетление; Радуйся, крине неувядаемый, процветший безсмертие. Радуйся, Богоотца Давида цевнице Богодохновенная; Радуйся, пророчествия его возставшая слово, псалтирю и гусли прекрасныя. Радуйся, одушевленный святыни Господни кивоте; Радуйся, в покой Господень воскресший наш животе. Радуйся, скиние, от Херувимов осеняемая; Радуйся, Святая святых, от Серафимов глаголемая. Радуйся, Обрадованная, во Успении Твоем нас не оставляющая.

Кондак 6

Проповедницы Богоноснии Апостоли, по отшествии ко премирным Божия Матере во общем селении обычныя трапезы бывше и предложение части хлеба во Имя Господне возносяще, внезапу свыше Богородицу Царицу, пришедшую со светоносными Ангелы, зряху и, мир тем от Сына и Бога подавшую слышавше, возгласиша о сем: Аллилуиа.

Икос 6

Возсия нам Солнце правды, Христос Бог от Твоих пречистых ложесн, волею и благоразумием проповедания чрез Апостолы мир просвети и Тя, Богоматерь, от рода и в род прослави. Темже и мы вси ублажаем Тя, вопиюще Ти: Радуйся, Присноблаженная от всех родов во веки; Радуйся, благоутробная и Милостивая на человеки. Радуйся, ученическому лику обещание исполнившая; Радуйся, присещением Твоим от Сына Твоего и Бога мир тому подавшая. Радуйся, всежелательное святых сладкое зрение; Радуйся, преподобных матерей и дев святых всевеселящее радование. Радуйся, преходящая райское селение праведных; Радуйся, посещающая всех во славе небесней сущих. Радуйся, начало человеческаго спасения; Радуйся, исполнение всех благих желания. Радуйся, по Бозе, Царе царствующих, Богородице Царице; Радуйся, по Господе господствующих, Владыце нашем, Госпоже и Владычице. Радуйся, Обрадованная, во Успении Твоем нас не оставляющая.

Кондак 7

Хотящих всех с верою входити в храм Твой святый, Богородице, присно спасаеши и славящих Тя от всяких напастей и бед свобождаеши; темже и благоверным людем, присноблажащим Тя, победы на сопротивныя даруй и вся ко спасению прошения нам подавай, о сем молящимся Тебе и поющим Богу: Аллилуиа.

Икос 7

Новую показа тварь, явлься нам, всех Творец Господь Тобою, Богородице. Ты же сродное промышление о нас к Нему имущи, честне почитающих пречестное Твое Успение, приими сицевая Тебе вопиющих: Радуйся, Мати Богу, избранная от земных; Радуйся, превышшая земных и Небесных. Радуйся, Херувимов и Серафимов горе превозшедшая; Радуйся, лик ученический облаком ко погребению Ти доле совокупльшая. Радуйся, Фому по погребении Твоем силою Божиею предпоставившая изряднее; Радуйся, чрез него уверившая Твое на Небо с плотию преселение. Радуйся, красотою всех добродетелей украшенная; Радуйся, краснейшему паче сынов человеческих Сынови Своему сопричтенная. Радуйся, яко финикс, плотию воскресшею процветшая; Радуйся, яко кедр в Ливане небесном, умножившаяся. Радуйся, древо живота, насажденное посреде рая превышняго; Радуйся, ковчеже мысленный возвышенный в Горняя от потопа смертнаго. Радуйся, Обрадованная, во Успении Твоем нас не оставляющая.

Кондак 8

Странно в превышних ведуще Тя, Избранная, яко солнце, Владычице, внутрь пренебесных недомыслимых красот и неизреченных доброт, умильно к Сыну и Богу, дланьма Его держиму, возшедшую и прерадостно преклоньшуюся живоначальней Его деснице, о сем непрестанно вопием: Аллилуиа.

Икос 8

Вся бывши горе, к Небесным взята и, земных не оставляющи, Богомати, рукама Сыновнима носима, в незаходимая вниде, во оный град всесветящий и прекрасный, Иерусалим вышний, Херувимы обстоима со всеми Небесными силами, идеже слышит поющих сия: Радуйся, Еяже пресвятая душа в вышнем всесветлом Сионе вселяется; Радуйся, Еяже и нетленное тело таможде с душею купно прославляется. Радуйся, вшедшая в престольный град Самаго Вседержителя; Радуйся, вознесшаяся в прекрасный рай Вышняго Насадителя. Радуйся, пренесенная во град, основанный от каменей всесветяших; Радуйся, введенная во ограду, обстоимую вои сил превышних. Радуйся, превышше Небес во благолепие Божие взятая; Радуйся, паче всех невещественных умов почтенная. Радуйся, приносящая к Сыну Своему и Богу моление верных; Радуйся, и Сама непрестанно у Престола Сына Твоего и Бога молящаяся о всех. Радуйся, Предстательнице к Богу, мир спасающая; Радуйся, Заступнице, роду христианскому от Бога дарованная. Радуйся, Обрадованная, во Успении Твоем нас не оставляющая.

Кондак 9

Всякое естество ангельское превозносит Тя, Богородице, человечестии же роди вси Матерь Тя Божию славим и почитаем пречестное Твое Успение, Царице: Тебе бо ради земнии Небесным совокупляются, согласно поюще Богу: Аллилуиа.

Икос 9

Ветийства Боговещанньгх пророческих речений ныне зрим о Тебе сбывшаяся, Богородице, яко воистину Бога плотию родила еси нам. Темже таинству словесе Божия верующе, вопием: Радуйся, закона и пророков главизно совершенная; Радуйся, звездо Иаковля, Валаамом пророкованная. Радуйся, одре Царя Великаго, вещанный Соломоном; Радуйся, руно, орошенное Иисусом, образованное Гедеоном. Радуйся, Неопалимая Купино, законоположником предзримая; Радуйся, горо святая, мужем желания усмотренная. Радуйся, лествице небесная, Иаковом предвидимая; Радуйся, двере непроходимая, Иезекиилем предзримая. Радуйся, солнце селения Христова, псалмопевцем предъявленное; Радуйся, таинство, многообразне пророки пронареченное. Радуйся, пророческих глагол всех, предреченных о Тебе, конец принесшая; Радуйся, Вышняго смотрения вся за спасение мира совершившая. Радуйся, Обрадованная, во Успении Твоем нас не оставляющая.

Кондак 10

Спасти хотя мир, Иже всех Господь от земнаго Тя рода избра в Матерь Себе и, нас ради быв человек, взыде, отнюдуже сниде, к Небеси от земли, и Тебе с Собою возведе ко пребыванию во славе вечней и соцарствованию с Собою, конца не имущему, Темже, яко Бог, слышит от всех: Аллилуиа.

Икос 10

Стена еси верным, Богородице Дево, и заступление всем, к Тебе прибегающим, ибо Небесе и земли Творец, от Тебе плотию прошед, Пречистая, духом и телом в Небесная Тя пресели, ко ближайшему предстательству о всех, ихже приглашати научи: Радуйся, граде Царя Великаго верху горы Небесныя; Радуйся, стено и покрове, не крыющийся от нашего притекания. Радуйся, верным на враги пособствующая; Радуйся, нашествия агарянская побеждающая. Радуйся, веры благочестивыя недвижимое сохранение; Радуйся, еретичествующих полков разорение. Радуйся, радость и умирение миру сущая; Радуйся, всегубительнаго ада поправшая. Радуйся, воинствующих на плоть целомудрием изрядное венчание; Радуйся, мученических подвигов всечестное прославление. Радуйся, преподобных трудом Ходатаице блаженнаго упокоения; Радуйся, иноком благоскорбящим Подательнице вечнаго радования. Радуйся, Обрадованная, во Успении Твоем нас не оставляющая.

Кондак 11

Пение всякое Богодухновенных песней не довлеет от нас ко похвале всечестнаго Успения Твоего, Всехвальная Владычице, Царице Богородице, но усердно Тебе приносим, яко Матери Царя всех, смиренное моление наше, с Небесными чинми поюще Единому достойно прославляющему Тя Богу: Аллилуиа.

Икос 11

Светоприемная свеща истиннаго Света сущим нам на земли явльшися, души просвещаеши и чтущих Твое всечестное преставление к разуму Божественному наставляеши, да поем Ти сицевая: Радуйся, свеще неугасимая огня невещественнаго; Радуйся, заре незаходимая Света невечерняго. Радуйся, луно, от Солнца правды облиставаемая; Радуйся, светлосте, во тьме святящая. Радуйся, светильниче, на свещнице превышнем поставленный; Радуйся, источниче жизни, из гроба во свет изведенный. Радуйся, Мати Света умнаго, благочестивых души просвещающаго; Радуйся, Мати всех Бога, озлобленных души утешающаго. Радуйся, уповающим на Тя живота конец непостыдный дарующая; Радуйся, достояние Божиим и Своим рабом на Суде Сына Твоего одесную Его устрояющая. Радуйся, Преблаженная, яко Тобою блажени есмы и мы, иже Помощницу Тя имамы; Радуйся, Преблагословенная в род и род, яко Господь с Тобою, и Тобою с нами. Радуйся, Обрадованная, во Успении Твоем нас не оставляющая.

Кондак 12

Благодать высокопрестольныя славы, на небесех дарованную Богоматери, почтенной седением одесную Сына Ея и Бога видяще горнии умы, подъяша Ю Престоли и Силы, окружиша Начала и Власти, припадоша страшнии Херувими, Серафими и Господства, со Архангелы и Ангелы вопиюще: Аллилуиа.

Икос 12

Поюще всечестное Твое Успение, восхваляем вси ко пренебесным возсшествие Твое, Царице Богомати. Ты же освяти, прослави и спаси всех, любовию поющих Тебе: Радуйся, очистившая землю пречистыми ног Твоих стопами; Радуйся, освятившая воздух восхождением Твоим к Небеси. Радуйся, на Небесный круг возступившая; Радуйся, вся доброты неизреченныя зрящая. Радуйся, во славе приседящая престолу Сына Твоего и Бога; Радуйся, с Сыном и Богом вечно царствующая. Радуйся, красото в деснице Господней, украшающая блажащих Тя всех Небесных; Радуйся, обрадованная надеянием на Тя всех земных. Радуйся, облеченная в солнце, сияющая благодатию и славою всей вселенней; Радуйся, обещавшая сохраняти и спасати призывающих Тя всех в поднебесней. Радуйся, от христианских родов Мати Божия почитаемая и Богородица именуемая; Радуйся, от восток солнца до запад преславно и православно от всех благочестивых славимая. Радуйся, Обрадованная, во Успении Твоем нас не оставляющая.

Кондак 13

О Всепетая Мати Безсмертнаго Царя Небесе и земли, Христа Бога нашего, живущая и по смерти, нынешняя приношения о всечестном Твоем Успении от нас приемши, в жизни сей и в смертнем успении нашем от всякия напасти, бед и муки избави и Небеснаго Царствия нас, Царице, сподоби, о Тебе вопиющих: Аллилуиа.

(Этот кондак читается трижды, затем икос 1 и кондак 1)

 

Молитва на Успение Пресвятой Богородицы

О Пресвятая Богородице Дево, Владычице, вышшая Ангел и Архангел и всея твари Честнейшая, ангельское великое удивление, пророческая высокая проповедь, апостольская преславная похвало, святителей изрядное украшение, мучеников крепкое утверждение, иноков спасительное наставление, постников неизнемогающее воздержание, девствующих чистото и славо, матерей тихое веселие, младенцев мудросте и наказание, вдовиц и сирых Кормительнице, нагих одеяние, болящих здравие, пленников избавление, по морю плавающих тишино, обуреваемых небурное пристанище, блуждающих нетрудная Наставнице, путешествующих легкое прохождение, труждающихся благое покоище, в бедах сущих скорая Заступнице, обидимых Покрове и прибежище, ненадеющихся надеяние, требующих Помощнице, печальных присное утешение, ненавидимых любовное смирение, грешников спасение и к Богу присвоение, правоверных всех твердое ограждение, непобедимое поможение и заступление! Тобою нам, Владычице, Невидимый видим бысть, и Тебе мольбу приносим, Госпоже, грешнии раби Твои: О Премилостивая и Пречудная Света умнаго Царице, рождшая Царя Христа, Бога нашего, Живодавца всех, от небесных славимая и от земных хвалимая, ангельский уме, светозарная звездо, святых Пресвятейшая, Владычице всех тварей, Боголепная Девице, Нескверная Невесто, палато Духа Пресвятаго, огненный Престоле Невидимаго Царя, небесный кивоте, носило Слова Божия, огнеобразная колеснице, покоище Живаго Бога, неизреченное составление плоти Христовы, гнездо Орла Небеснаго, Горлице Богогласная, Голубице кроткая, тихая и незлобивая, Мати чадолюбивая, милостей бездно, развергающая тучу гнева Божия, неизмеримая глубино, неизреченная тайно, несведомое чудо, не рук отворенная Церкве Единаго Царя всех век, благоуханное кадило, честная багрянице, Боготканная порфиро, душевный раю, живоноснаго сада отрасле, цвете прекрасный, процветший нам небесное веселие, грозде спасения нашего, чаше Царя Небеснаго, в нейже растворися от Духа Святаго вино неисчерпаемыя благодати, Ходатаице закона, зачало истинныя веры Христовы непоколебимый столпе, мечу ярости Божия на богопротивных, бесов устрашение, во бранех побеждение, христиан всех неложная Хранительнице и мира всего известное спасение! О Всемилостивая Госпоже, Дево Владычице, Богородице, услыши нас, молящихся Тебе, и яви милость Твою на людей Твоих, моли Сына Своего избавитися нам от всякаго зла и сохрани обитель нашу и всяку обитель, и град, и страну верных, и люди, благочестно прибегающия и призывающия имя Твое святое, от всякия напасти, губительства, глада, труса, потопа, огня, меча, нашествия иноплеменников и междоусобныя о ран и, от всякия болезни и всякаго обстояния, да ни ранами, ни прещением, ни мором, ни всяким праведным гневом Божиим умалятся раби Твои. Но соблюдай и спасай милостию Своею, Госпоже, за ны молящися, и полезное благорастворение воздуха во времени плоднаго приношения нам даруй. Облегчи, возстави и помилуй, Премилостивая Владычице, Богородице препетая, во всякой беде и нужде сущия. Помяни рабы Твоя и не презри слез и воздыхания с нашего, и обнови нас благостию Своея милости, да со благодарением утешаемся, обретше Тя Помощницу. Умилосердися, Госпоже Пречистая, на немощныя люди Твоя, Надеждо наша. Разсеянныя собери, заблудшия на путь правый настави, отпадшия от благочестивыя отеческия веры паки возврати, старость поддержи, юныя вразуми, младенцы воспитай и прослави славящия Тя, изряднее же — Церковь Сына Твоего соблюди и сохрани в долготу дний. О Милостивая и Премилостивая Царице Небесе и земли, Богородице Приснодево! Ходатайством Твоим помилуй страну нашу и воинство ея и вся православныя христианы, сохраняющи их под кровом милости Твоея, ризою Твоею честною защити и моли из Тебе воплошагося без семене Христа, Бога нашего, да препояшет ны свыше силою на вся видимыя и невидимыя враги наша. Спаси же и помилуй, Госпоже, Великаго Господина и Отца нашего Алексия, Святейшего Патриарха Московского и всея Руси, преосвященныя митрополиты, архиепископы и епископы православныя, иереи же и диаконы и весь причет церковный, и весь монашеский чин, и вся правоверныя люди, поклоняющияся и молящияся пред честною Твоею иконою. Призри на всех нас призрением милостивнаго Твоего заступления, воздвигни нас из глубины греховныя и просвети очи сердечныя ко зрению спасения, милостива нам буди зде и на Страшнем Суде Сына Твоего о нас умоли, преставльшияся во благочестии от жития сего рабы Твоя в вечней жизни со Ангелы и Архангелы и со всеми святыми причти, да одесную Сына Твоего Бога предстанут, и молитвою Твоею сподоби вся православныя христианы со Христом жити и радости ангельския в Небесных селениих наслаждатися. Ты бо еси, Госпоже, слава Небесных и упование земных, Ты наша Надежда и Заступница всех притекающих к Тебе и Твоея святыя помощи просящих. Ты Молебница наша теплая к Сыну Твоему и Богу нашему. Твоя Матерняя молитва много может на умоление Владыки, и Твоим предстательством ко Престолу благодати Пресвятых и Животворящих Его Тайн приступати дерзаем, аще и недостойнии. Темже всечестный образ Твой и рукою Твоею держимаго Вседержителя видяще на иконе, радуемся, грешнии, со умилением припадающе, и любовию сей целуем, чающе, Госпоже, Твоими святыми Богоприятными молитвами дойти Небесныя безконечныя жизни и непостыдно стати в день судный одесную Сына Твоего и Бога нашего, славяще Его купно со Безначальным Отцем и Пресвятым, Благим, Животворящим и Единосущным Духом, во веки веков. Аминь.

 

Тропарь Успению Пресвятой Богородицы

 

Тропарь, глас 1

В рождестве девство сохранила еси, во успении мира не оставила еси, Богородице, преставилася еси к животу, Мати сущи Живота, и молитвами Твоими избавляеши от смерти души наша.

 

Кондак, глас 2

В молитвах неусыпающую Богородицу и в предстательствах непреложное упование гроб и умерщвление не удержаста: якоже бо Живота Матерь к животу престави во утробу Вселивыйся приснодевственную.

 

Величание

Величаем Тя, Пренепорочная Мати Христа Бога нашего, и всеславное славим Успение Твое.

 

Задостойник, глас 1

Ангели, Успение Пречистыя видевше, удивишася, како Дева восходит от земли на Небо. Побеждаются естества уставы в Тебе, Дево Чистая, девствует бо рождество и Живот предобручает смерть; по рождестве Дева и по смерти жива, спасаеши присно, Богородице, наследие Твое.

 
Комментарии
Комментарии не найдены ...
Добавить комментарий:
Имя:
* Сообщение [ T ]:
 
   * Перепишите цифры с картинки
 
Подписка на новости и обновления
* Ваше имя:
* Ваш email:
Православный календарь
© Vinchi Group
1998-2024


Оформление и
программирование
Ильи
Бог Есть Любовь и только Любовь

Страница сформирована за 0.017374038696289 сек.