Дивное Дивеево

ропарь:
Разруши́л еси́ Кресто́м Твои́м смерть,/ отве́рзл еси́ разбо́йнику рай,/ мироно́сицам плач преложи́л еси́,/ и апо́столом пропове́дати повеле́л еси́,/ я́ко воскре́сл еси́, Христе́ Бо́же,/ да́руяй ми́рови// ве́лию ми́лость.
Кондак:
Не ктому́ держа́ва сме́ртная/ возмо́жет держа́ти челове́ки:/ Христо́с бо сни́де, сокруша́я и разоря́я си́лы ея́;/ связу́ем быва́ет ад,/ проро́цы согла́сно ра́дуются,/ предста́, глаго́люще, Спас су́щим в ве́ре:// изыди́те, ве́рнии, в воскресе́ние.

Тропарь заупокойный, глас 8:
Глубино́ю му́дрости человеколю́бно вся стро́яй/ и поле́зная всем подава́яй,/ Еди́не Соде́телю, упоко́й, Го́споди, ду́ши раб Твои́х,/ на Тя бо упова́ние возложи́ша,// Творца́ и Зижди́теля и Бо́га на́шего.

Кондак заупокойный, глас 8:
Со святы́ми упоко́й,/ Христе́,/ ду́ши раб Твои́х,/ иде́же несть боле́знь, ни печа́ль,/ ни воздыха́ние,// но жизнь безконе́чная.

Богородичен, глас тот же:
Тебе́ и Сте́ну и Приста́нище и́мамы,/ и Моли́твенницу благоприя́тну к Бо́гу,// Его́же родила́ еси́, Богоро́дице Безневестная, ве́рных спасе́ние.
Комментариев: 1

Когда угодно было Богу,
Чтобы, родившись бедняком,
Ты пролагал себе дорогу
Терпеньем тяжким и трудом,
То будь покорен, терпелив,
Неутомим и молчалив,
На помощь свыше уповай,
И никогда не унывай.
Комментариев: 4

Тропарь священномученика Ермогена, глас 4:
Росси́йския земли́ первопресто́льниче/ и неусы́пный о ней к Бо́гу моли́твенниче,/ за ве́ру Христо́ву и па́ству твою́ ду́шу свою́ положи́в,/ страну́ на́шу от нече́стия изба́вил еси́./ Те́мже вопие́м ти:/ спаса́й нас моли́твами твои́ми,// священному́чениче Ермоге́не, о́тче наш.

Кондак священномученика Ермогена, глас 6:
Темни́цею и гла́дом изнуря́емь,/ да́же до сме́рти ве́рен пребы́л еси́, блаже́нне Ермоге́не,/ малоду́шие от серде́ц люде́й твои́х отгоня́я/ и на о́бщий по́двиг вся призыва́я./ Те́мже и нечести́вых мяте́ж низложи́л еси́ и страну́ на́шу утверди́л еси́,/ да вси зове́м ти:// ра́дуйся, засту́пниче Росси́йския земли́.
Комментариев: 1

Тропарь апостола Онисима, глас 3:
Апо́столе святы́й Они́симе,/ моли Милостиваго Бога,/ да прегрешений оставление/ подаст душам нашим.

Кондак апостола Онисима, глас 4:
́Яко луча́, возсия́л еси́ вселе́нней,/ заря́ми сия́я со́лнца, блаже́нне,/ всесве́тлаго Па́вла, мир просвети́вшаго:/ те́мже тя почита́ем,// Они́симе сла́вне.
Комментариев: 1

Как часто мы живем друг другом, как бы пожирая друг друга, отнимая у человека покой, радость
Комментариев: 2

Тропарь преподобного Авксентия, глас 1:
Пусты́нный жи́тель, и в телеси Ангел,/ и чудотворец явился еси, Богоносе отче наш Авксентие,/ постом, бдением, молитвою Небесная дарования приим,/ исцелявши недужныя и души верою притекающих ти./ Слава Давшему тебе крепость,/ слава Венчавшему тя,/ слава Действующему тобою всем исцеления.

Кондак преподобного Авксентия, глас 2:
Наслади́вся, богому́дре, воздержа́ния/ и жела́ния пло́ти твоея́ обузда́в,/ яви́лся еси́, ве́рою сия́я,/ я́коже сад посреде́ рая́, процве́л еси́,// Авксе́нтие о́тче свяще́нне.
Комментариев: 1

Комментариев: 2

Тропарь преподобного Мартиниана, глас 8:
Пла́мень искуше́ний слез тече́ньми погаси́л еси́, блаже́нне,/ и, морска́я волне́ния, и звере́й стремле́ния обузда́вый, взыва́л еси́:// препросла́влен еси́, Всеси́льне, огня́ и бу́ри спасы́й мя.

Кондак преподобного Мартиниана, глас 2:
́Яко подви́жника благоче́стия иску́сна,/ и страда́льца произволе́нием честна́го,/ и пусты́ни жи́теля и все́льника,/ в пе́снех досто́йно восхва́лим Мартиниа́на присночестна́го:// той бо зми́я попра́.
Комментариев: 2

Тропарь Божией Матери пред иконой Ее Иверской, глас 1:
От святы́я ико́ны Твоея́,/ о Влады́чице Богоро́дице,/ исцеле́ния и цельбы́ подаю́тся оби́льно,/ с ве́рою и любо́вию приходя́щим к ней./ Та́ко и мою́ не́мощь посети́/ и ду́шу мою́ поми́луй, Блага́я,// и те́ло исцели́ благода́тию Твое́ю, Пречи́стая.

Кондак Божией Матери пред иконой Ее Иверской, глас 8:
́Аще и в мо́ре вве́ржена бысть свята́я ико́на Твоя́, Богоро́дице,/ от вдови́цы, не могу́щия спасти́ сию́ от враго́в,/ но яви́лася есть Храни́тельница Афо́на/ и Врата́рница оби́тели И́верския, враги́ устраша́ющая/ и в правосла́вней Росси́йстей стране́// чту́щия Тя от всех бед и напа́стей избавля́ющая.
Комментариев: 2