Дивное Дивеево

Петр и Феврония Муромские - супруги, святые, ярчайшие личности Святой Руси, своей жизнью отразившие ее духовные ценности и идеалы.

История жизни свв. чудотворцев, благоверных и преподобных супругов Петра и Февронии, много веков существовала в преданиях Муромской земли, где они жили и где сохранялись их честные мощи. Со временем подлинные события приобрели сказочные черты, слившись в народной памяти с легендами и притчами этого края. Сейчас исследователи спорят, о ком из исторических личностей написано житие: одни склоняются к тому, что это были князь Давид и его жена Евфросиния, в иночестве Петр и Феврония, скончавшиеся в 1228, другие видят в них супругов Петра и Евфросинию, княживших в Муроме в XIV в.

Записал повествование о блгв. Петре и Февронии в XVI в. свящ. Ермолай Прегрешный (в иночестве Еразм), талантливый литератор, широко известный в эпоху Иоанна Грозного. Сохранив в житии фольклорные черты, он создал удивительно поэтичную повесть о мудрости и любви - дарах Святого Духа чистым сердцем и смиренным в Боге.

Прп. Петр был младшим братом княжившего в г. Муроме блгв. Павла. Однажды в семье Павла случилась беда - по наваждению дьявола к его жене стал летать змей. Горестная женщина, уступившая демонской силе, обо всем поведала мужу. Князь наказал супруге выведать у злодея тайну его смерти. Выяснилось, что погибель супостату "суждена от Петрова плеча и Агрикова меча". Прознав об этом, кн. Петр тотчас решился убить насильника, положившись на помощь Божию. Вскоре на молитве в храме открылось, где хранится Агриков меч, и, выследив змея, Петр поразил его. Но перед смертью змей обрызгал победителя ядовитой кровью, и тело князя покрылось струпьями и язвами.

Никто не мог исцелить Петра от тяжкой болезни. Со смирением перенося мучения, князь во всем предался Богу. И Господь, промышляя о Своем рабе, направил его в рязанскую землю. Один из юношей, посланных на поиски лекаря, случайно зашел в дом, где застал за работой одинокую девушку по имени Феврония, дочь древолаза, имевшую дар прозорливости и исцелений. После всех расспросов Феврония наказала слуге: "Приведи князя твоего сюда. Если будет он чистосердечным и смиренным в словах своих, то будет здоров!"

Князя, который сам ходить уже не мог, привезли к дому, и он послал спросить, кто хочет его вылечить. И обещал тому, если вылечит, - большую награду. "Я хочу его вылечить, - без обиняков ответила Феврония, - но награды никакой от него не требую. Вот к нему слово мое: если я не стану супругой ему, то не подобает мне лечить его". Петр пообещал жениться, но в душе слукавил: гордость княжеского рода мешала ему согласиться на подобный брак. Феврония зачерпнула хлебной закваски, дунула на нее и велела князю вымыться в бане и смазать все струпы, кроме одного.

Благодатная девица имела премудрость Св. отцов и назначила такое лечение не случайно. Как Господь и Спаситель, исцеляя прокаженных, слепых и расслабленных, через телесные недуги врачевал душу, так и Феврония, зная, что болезни попускаются Богом во испытание и за грехи, назначила лечение для плоти, подразумевая духовный смысл. Баня, по Свящ. Писанию, образ крещения и очищения грехов (Еф. 5: 26), закваске же Сам Господь уподобил Царствие Небесное, которое наследуют души, убеленные баней крещения (Лк. 13: 21). Поскольку Феврония прозрела лукавство и гордость Петра, она велела ему оставить несмазанным один струп как свидетельство греха. Вскоре от этого струпа вся болезнь возобновилась, и князь вернулся к Февронии. Во второй раз он сдержал свое слово. "И прибыли они в вотчину свою, город Муром, и начали жить благочестиво, ни в чем не преступая Божии заповеди".

После смерти брата Петр стал самодержцем в городе. Бояре уважали своего князя, но надменные боярские жены невзлюбили Февронию, не желая иметь правительницей над собой крестьянку, подучивали своих мужей недоброму. Всякие наветы пытались возводить на княгиню бояре, а однажды взбунтовались и, потеряв стыд, предложили Февронии, взяв, что ей угодно, уйти из города. Княгиня ничего, кроме своего супруга, не желала. Обрадовались бояре, потому что каждый втайне метил на княжье место, и сказали обо всем своему князю. Блаженный Петр, узнав, что его хотят разлучить с любимой женой, предпочел добровольно отказаться от власти и богатства и удалиться вместе с ней в изгнание.

Супруги поплыли по реке на двух судах. Некий мужчина, плывший со своей семьей вместе с Февронией, засмотрелся на княгиню. Святая жена сразу разгадала его помысел и мягко укорила: "Почерпни воду с одной и другой стороны лодки, - попросила княгиня. - Одинакова вода или одна слаще другой?" - "Одинакова", - отвечал тот. "Так и естество женское одинаково, - молвила Феврония. - Почему же ты, позабыв свою жену, о чужой помышляешь?" Обличенный смутился и покаялся в душе.

Вечером они причалили к берегу и стали устраиваться на ночлег. "Что теперь с нами будет?" - с грустью размышлял Петр, а Феврония, мудрая и добрая жена, ласково утешала его: "Не скорби, княже, милостивый Бог, Творец и Заступник всех, не оставит нас в беде!" В это время повар принялся готовить ужин и, чтобы повесить котлы, срубил два маленьких деревца. Когда окончилась трапеза, княгиня благословила эти обрубочки словами: "Да будут они утром большими деревьями". Так и случилось. Этим чудом она хотела укрепить супруга, провидя их судьбу. Ведь коли "для дерева есть надежда, что оно, если и будет срублено, снова оживет" (Иов. 14: 7), то человек, надеющийся и уповающий на Господа, будет иметь благословение и в этой жизни, и в будущей.

Не успели они проснуться, приехали послы из Мурома, умоляя Петра вернуться на княжение. Бояре поссорились из-за власти, пролили кровь и теперь снова искали мира и спокойствия. Блж. Петр и Феврония со смирением возвратились в свой город и правили долго и счастливо, творя милостыню с молитвой в сердце. Когда пришла старость, они приняли монашество с именами Давид и Евфросиния и умолили Бога, чтобы умереть им в одно время. Похоронить себя завещали вместе в специально приготовленном гробу с тонкой перегородкой посередине.

Они скончались в один день и час, каждый в своей келье. Люди сочли нечестивым хоронить в одном гробу монахов и посмели нарушить волю усопших. Дважды их тела разносили по разным храмам, но дважды они чудесным образом оказывались рядом. Так и похоронили святых супругов вместе около соборной церкви Рождества Пресвятой Богородицы, и всякий верующий обретал здесь щедрое исцеление.

  Память блгв. Петру и Февронии отмечается 25 июня/8 июля.

Акафист  блгв. Петру и Февронии .

Избраннии чудотворцы и велицыи угодницы Господни, града Мурома заступницы и приснии о душах наших молитвенницы, святии благовернии княже Петре и княгине Февроние! Пение похвальное вам приносяще, молим вы усердно: яко имущии дерзновение ко Господу, предстательством вашим от всяких бед нас свободите, и наследники Царствия Небеснаго нас соделайте, да зовем вам радостно:
     Радуйтеся, святии и преславнии чудотворцы Петре и Февроние.

     Ангели земнии и человецы небеснии воистинну явистеся, блаженнии Петре и Февроние, от юности вашея чистую совесть имущии к Богу, и добре во благочестии и чистоте вкупе пожившии, нам же оставльшии в пример подражания житие ваше богоугодное, емуже чудящеся и чудесы вашими озаряеми, зовем вам гласы хвалебными сице:
     Радуйтеся, от юности вашея Христа возлюбившии и Тому от души поработавшии;
     Радуйтеся, целомудрия хранители и душевныя и телесныя чистоты рачители.
     Радуйтеся, души ваша и телеса на земли в обиталище Духа Святаго уготовившии;
     Радуйтеся, исполненнии премудрости и разума божественнаго.
     Радуйтеся, яко во плоти, яко безплотни, вкупе пожисте;
     Радуйтеся, яко равноангельную честь достойне приясте.
     Радуйтеся, яко от земли на Небо преидосте и тамо со Ангелы Троице предстоите;
     Радуйтеся, яко со безплотными лики трисвятую песнь Ей воспеваете.
     Радуйтеся, на Небеси и на земли от Господа прославленнии;
     Радуйтеся, обретшии вечное всесветлое место упокоения.
     Радуйтеся, града Мурома сокровища пребогатая;
     Радуйтеся, источницы неистощимии чудес.
     Радуйтеся, святии и преславнии чудотворцы Петре и Февроние.

     Видев князь Петр в возвратной болезни своей, знамение гнева Божия, за неисполнение обета своего, пояти в супруги себе премудрую Февронию, потщася сие исполните и сочетася с нею браком законным, обаче и в супружестве целомудренно и богоугодно пожисте, блаженнии, имуще едину мысль во двою телу, еже благоугождати Богу; темже выну поете Ему ныне со Ангелы песнь: Аллилуиа.

     Разумом богопросвещенным свыше одареннии, Петре и Февроние святии, любовь и милосердие к бедным и сирым явисте, обидимым и безпомощным заступницы бысте, и иными добродетельми многими украсисте княжение свое земное. Сего ради вопием к вам сице:
     Радуйтеся, блаженнии и треблаженнии, в боголюбии пожившии и благоверие сохраншии;
     Радуйтеся, милости и сострадания преисполненнии.
     Радуйтеся, безпомощных скории помощницы;
     Радуйтеся, печальных блазии утешители.
     Радуйтеся, сирот и вдовиц кормители;
     Радуйтеся, сущих в бедах предстатели.
     Радуйтеся, болезней душевных и телесных искуснии целители;
     Радуйтеся, скорбных сердец радостотворнии посетители.
     Радуйтеся, любовь вашу к Богу, любовию к ближним своим показавшии;
     Радуйтеся, княжение ваше земное праведно и богоугодно содержавшии.
     Радуйтеся, князей православных похвало и града Мурома утверждение;
     Радуйтеся, всея земли Российская заступление.
     Радуйтеся, святии и преславнии чудотворцы Петре и Февроние.

     Силою благодати Божия укрепляемь, блаженне княже Петре, восхотел еси паче оставити град отечества твоего и Княжение Муромское, неже бракоразвестися с премудрою Феврониею по настоянию гордых боляр твоих. Сего ради Бог тя прослави и сотвори, да темиже боляры возвращенный вкупе с супружницею твоею, на престоле княжения Муромскаго паки утвердился еси, нам же пример хранения закона Божия показуеши подвигом твоим, да подражающе тебе в святости хранения соуза брачнаго, воспеваем подвигоположнику Христу: Аллилуиа.

     Имуще попечение о людех своих, преблаженнии Петре Л Февроние, неусыпно подвизастеся ко благу их, благочестие насаждая, нечестие искореняя и вражду умиротворяя. Темже и Господь, видя таковыя подвиги ваша, землю Муромскую плодоносием благослови и мир глубок княжению вашему дарова, подвизая люди ваша благодарственно воспевати вам сице:
     Радуйтеся, угодницы Божии, житию великих святых сопричастницы;
     Радуйтеся, правителие предобрии, люди муромския ко спасению путеводившии.
     Радуйтеся, христианскаго благочестия блюстители;
     Радуйтеся, нестроения, раздоров и всякаго нечестия искоренители.
     Радуйтеся, супругов христиан ко благочестному житию наставницы;
     Радуйтеся, целомудрия и воздержания супружеская образи преизящнии.
     Радуйтеся, праведнаго суда рачители;
     Радуйтеся, немздоимства и безкорыстия ревнители.
     Радуйтеся, святых царей Константина и Елены добродетелей стяжатели;
     Радуйтеся, равноапостольнаго князя Владимира и блаженныя княгини Ольги достойнии преемницы.
     Радуйтеся, двоице пречестная и благое сочетание, лучами чудес немерцаемо сияющии;
     Радуйтеся, отечества вашего пресветлии светилъницы.
     Радуйтеся, святии и преславнии чудотворцы Петре и Февроние.

     Буря скорбей и напастей, воздвизаемая злобою мира сего, не ослаби крепкую любве вашея яже к Богу, Петре и Февроние блаженнии, но паче научи вас благоискусно отражати разжженныя стрелы искушений диавольских: вы бо оболкшеся в броню веры Христовы, в мире глубоце преидосте многомятежную пучину житейскаго моря, и достигосте в тихую пристань спасения, к нейже и нас молитвами вашими приведите, да вкупе с вами поем Богу: Аллилуиа.

     Слышавше ближнии и дальнии благочестное житие ваше, благовернии Петре и Февроние, прославляху человеколюбца Бога, даровавшаго вам крепость на вся дела благая, имиже яко лучами пресветлыми, просияете в отечестве вашем, идеже и доныне имена ваша честны, и подвиги ваша воспеваются похвалами сими:
     Радуйтеся, двоице пресветлая, Богом совокупленная;
     Радуйтеся, светом благочестнаго жития вашего, яко светила богосветлая, просиявшии.
     Радуйтеся, милостынею и молитвами Небесное Царствие стяжавшии;
     Радуйтеся, смирением и лощением вечное блаженство улучившии.
     Радуйтеся, яко мзда ваша многа на Небесех есть;
     Радуйтеся, яко радость ваша вечна во светлостех святых.
     Радуйтеся, раби Христовы возлюбленнии;
     Радуйтеся, святых всех приснии друзи.
     Радуйтеся, звезды непрелестнии, путь супружескаго жития богоугоднаго верно указующии;
     Радуйтеся, облацы росоноснии, зной страстей и нечестия прогоняющии.
     Радуйтеся, Божиих милостей и щедрот нам податели;
     Радуйтеся, отечества вашего украшение не отъемлемое.
     Радуйтеся, святии и преславнии чудотворцы Петре и Февроние.

     Богопросвещеннии светильницы благочестия и предивнии чудотворцы Петре и Февроние, Бога от всея души возлюбивше, вся заповеди Его сохранисте; темже и Христос, яко солнце и луну пресветлыя, показа вас, преблаженнии, чудес многих зарею озаряющия область Муромскую и всю страну Российскую, прославив нетлением святыя и многоцелебныя мощи ваша, к нимже припадающе, по достоянию ублажаем вас и выну благодарственно поем дивному во святых Своих Богу: Аллилуиа.

     Видевше житие ваше праведное и щедроты ваша, людие муромстии славляху вас, своих правителей милостивых, благовернии Петре и Февроние, вы же смирение истинное возлюбивше и похвалы человеческия небрегше, гордынею неуязвлени пребысте, и тем показасте нам образ вышшаго смирения, емуже поучаяся, с любовию вопием вам таковая:
     Радуйтеся, славу человечу ни во что же вменившии;
     Радуйтеся, смирение Христово усердно возлюбившии.
     Радуйтеся, заповедей Господних вернии исполнители;
     Радуйтеся, учения Евангельскаго истиннии последователи.
     Радуйтеся, раби Бога Вышняго, волю Его сотворшии;
     Радуйтеся, веру Христову до конца соблюдшии.
     Радуйтеся, христоименитым людем благочестия учители;
     Радуйтеся, хотящих богоугодно жити богомудрии наставницы.
     Радуйтеся, молитвами вашими спасающии нас от всяких бед;
     Радуйтеся, вся благая прошения Наша исполняющии.
     Радуйтеся, в недузех страждущих благодатнии врачеве;
     Радуйтеся, милостивии страны Муромския покровителие.
     Радуйтеся, святии и преславнии чудотворцы Петре и Февроние.

     Проповедницы веры православныя и ревнители благочестия не словом токмо, но всем житием своим бысте во граде Муроме, прехвальнии Петре и Февроние; темже и святая Церковь достойне почитает подвиги и труды ваша, имиже трудистеся во славу Бога Вышняго, немолчно воспевая Ему: Аллилуиа.

     Возсиясте во граде Муроме светом добродетельнаго жития вашего, яко звезды богосветлыя, преблаженнии Петре и Февроние, и память ваша в нем с похвалами до днесь, яко и по смерти своей не престаете озаряти нас, многая чудесы совершающе, и теми светлую зарю безсмертия нам от мощей ваших возсиявающе, да ублажаем вас благохвалениями сицевыми:
     Радуйтеся, чина и уставов святыя Церкве вернии хранители;
     Радуйтеся, служителей олтаря Господня благоговейнии почитатели.
     Радуйтеся, благих обычаев и преданий святоотеческих ревнители;
     Радуйтеся, обычаев злых и суемудрий языческих искоренители.
     Радуйтеся, суды нелицеприятны людем вашим творившии;
     Радуйтеся, суды ваша с милостию соединившии.
     Радуйтеся, кротцыи и незлобивии последователи Христовы;
     Радуйтеся, злобу добром препобеждавшии.
     Радуйтеся, нетления благоухающии цвети;
     Радуйтеся, безсмертия немерцающии лучи.
     Радуйтеся, на земли величием чудес блистающии;
     Радуйтеся, на Небеси со Ангелы Бога славящии.
     Радуйтеся, святии и преславнии чудотворцы Петре и Февроние.

     Хотяй человеколюбец Господь явити в житии вашем, Петре и Февроние, образ назидания не токмо людем мирским, но и ликом иноческим, внуши вам в старости маститей оставити славу княжения земнаго, и восприяти образ иноческий, в немже подвизастеся добре постом, бдением и молитвою, воспевающе непрестанно Триединому Богу ангельскую песнь: Аллилуиа.

     Новую благодать Божию во иночестем пострижении приемше, преподобнии, новыми подвигами украсисте равноангельное житие ваше и тако сугуб плод совершенства духовнаго Христу принесосте, и мзду преподобных достойне от Него восприясте. Поминая убо таковую ревность вашу к подвигом духовным, прославляем вас сими достодолжными похвалы:
     Радуйтеся, яко любве ради Господа, мира сего Княжение и славу остависте;
     Радуйтеся, яко иноческое равноангельное житие усердно восприясте.
     Радуйтеся, совершеннаго терпения подвижницы;
     Радуйтеся, вольныя нищеты блаженнии стяжатели.
     Радуйтеся, прежде кончины вашея вся страсти умертвившии воздержанием;
     Радуйтеся, восприявшии святую схиму в броню спасения.
     Радуйтеся, багряницу княжескую на власяницу иноческую пременившии;
     Радуйтеся, постом, бдением и непрестанными молитвами Богу добре угодившии.
     Радуйтеся, боголюбезнаго уединения взыскатели;
     Радуйтеся, спасительнаго безмолвия любители.
     Радуйтеся, слезами молитвенными орошаеми;
     Радуйтеся, в сонме преподобных на Небеси прославленнии.
     Радуйтеся, святии и преславнии чудотворцы Петре и Февроние.

     Странное и дивное бе чудо, егда ты, блаженне Петре, на кончине живота твоего, прошения ради супружницы твоея, святыя Февронии, исходом своим умедлил еси, дондеже сконча она пелену церковную, ею сшиваему и вкупе с тобою к исходу смертному приспе, и тако неразлучнии в житии, неразлучнии в кончине явистеся, и во един день и час святыя души своя в руце Божии предасте, зовуще присно живыми и мертвыми обладающему Владыце Богу: Аллилуиа.

     Вси чудяхуся и славляху дивнаго во святых Своих Бога, егда святыя ваша телеса, в разных гробех положенная, чудесно обретошася лежаща в общей гробнице, юже уготовасте себе, преподобнии, в соборней церкви града Мурома, идеже и доныне неразлучно почиваете, чудотворцы святии, неоскудныя источающе исцеления всем, с верою Прибегающим к вам и зовущим:
     Радуйтеся, союз любве вашея до гроба и за гробом верно сохраншии;
     Радуйтеся, не токмо в жизни, но и по смерти, о Господе соединеннии.
     Радуйтеся, в супружестем благочестием житии вам подражающим крепцыи помощницы;
     Радуйтеся, теплотою любве вашея и нас согревающии.
     Радуйтеся, смертию временною прешедшии к жизни вечней;
     Радуйтеся, от Господа нетлением и чудесы прославленнии.
     Радуйтеся, яко память ваша с похвалами и успение со святыми;
     Радуйтеся, яко имена ваша честна суть и благословенна в отечестве вашем.
     Радуйтеся, Российския страны удобрение благодатное;
     Радуйтеся, града Мурома ограждение несокрушимое.
     Радуйтеся, о любящих и чтущих вас небеснии предстатели;
     Радуйтеся, приснопросящии нам у Господа дары благости Его.
     Радуйтеся, святии и преславнии чудотворцы Петре и Февроние.

     Вси Ангели и святых лики радовахуся радостию велию, егда святыя души ваша достигоша вечнаго в обителех райских селения, и Сам Творец Ангелов и Святейший святых Царь Славы Христос, безсмертия венцы увенча вас и дарова вам благодать молитися Ему со дерзновением многим о всех ищущих вашего заступления, егоже не лишите и нас грешных, Петре и Февроние достохвальнии, смиренномудренно воспевающих прославльшему вас Богу хвалебную песнь: Аллилуиа.

     Ветийство человеческое не довлеет к достойному прославлению дивнаго жития вашего, святии чудотворцы Петре и Февроние; кто бо исповесть вся моления и пощения, болезни и труды ваша? кто изочтет вся слезы и воздыхания ваша яже к Богу? Обаче мы любовию к вам подвизаеми, дерзаем воспевати вам сия малыя и нехитростныя похвалы:
     Радуйтеся, благодати Святаго Духа избраннии сосуди;
     Радуйтеся, радости нам вечныя благоприятнии ходатаи.
     Радуйтеся, богобоязненных супругов в благочестии утверждение;
     Радуйтеся, нарушителей супружескаго целомудрия и согласия грозное обличение.
     Радуйтеся, гнев Божий, праведно движимый на нас, молитвами вашими утоляющии;
     Радуйтеся, о мире всего мира непрестанно Господа умоляющии.
     Радуйтеся, на враги видимыя и невидимыя крепцыи нам споборницы;
     Радуйтеся, ангелонравнии человецы.
     Радуйтеся, преподобных и праведных сонаследницы;
     Радуйтеся, Пресвятыя Троицы вернии угодницы.
     Радуйтеся, блаженнии обитатели горняго града Иерусалима Небеснаго;
     Радуйтеся, со святыми торжествующии в скиниях райских.
     Радуйтеся, святии и преславнии чудотворцы Петре и Февроние.

     Спасение вечное унаследовавше богоблаженнии Петре и Февроние, душами вашими в обителех горних неразлучно в Бозе пребываете, святыми же мощами вашими в храме Божием нетленно вкупе почиваете, и обильныя исцеления источаете, да чудесы вашими благодатно озаряеми, хвалебно взываем Верховному Творцу чудес Богу: Аллилуиа.

     Стену заступления, благоприятныя молитвы ваша к Богу, обретше, святии чудотворцы Петре и Февроние, благодарение Отцу Небесному усердно возсылаем за вся благодеяния Его, вами всем нам обильно являемая, вам же, предстателям нашим, сицевое приносим пение:
     Радуйтеся, всесветлаго Царствия Христова наследницы;
     Радуйтеся, ангельских ликов собеседницы.
     Радуйтеся, Бога во славе неприступней созерцающии;
     Радуйтеся, Трисияннаго Божества таинницы.
     Радуйтеся, со святыми на Небеси вечно царствующии;
     Радуйтеся, от горних высот к земнородным милостивно приникающии.
     Радуйтеся, крини благоуханнии небеснаго прозябения;
     Радуйтеся, кипариси чудоточнии рая Иисусова.
     Радуйтеся, податели независтнии безмезднаго врачевания;
     Радуйтеся, совершители достохвальнии многих чудес.
     Радуйтеся, благодеяний множество нам источающии;
     Радуйтеся, милостию сострадания вашего всех объемлющии.
     Радуйтеся, святии и преславнии чудотворцы Петре и Февроние.

     Пение молебное приносим вам, угодницы Божии Петре и Февроние, и с любовию припадаем к раце святых и многоцелебных мощей ваших, прославляя житие ваше богоугодное и подвиги многи. Молимся вам усердно, чудотворцы святии, помозите нам подражати вашим добродетелем, да возможем богоугодно пети Создателю нашему: Аллилуиа.

     Света небеснаго исполнен бе соборный храм града Мурома, егда благоволением Божиим святыя мощи ваша Петре и Февроние, целы и благоуханны обретошася в нем, и из недр земных, яко сокровище драгоценное, изнесены быша, идеже и до ныне почивают, исцеления неоскудныя источающе недужным и болящим. Сего ради песненно вопием к вам:
     Радуйтеся, злато нетленное, в недрех земных обретенное;
     Радуйтеся, бисери сияющии и благодатно просвещающии человеков.
     Радуйтеся, святыя Православныя Церкве похвало;
     Радуйтеся, ересей и расколов обличение.
     Радуйтеся, свети умнии, зарею Святаго Духа облистающии;
     Радуйтеся, мира благоухания Христова преисполненнии.
     Радуйтеся, облеченнии в ризу в благодатного нетления;
     Радуйтеся, препоясаннии силою многих чудес.
     Радуйтеся, яко рака ваша честная врачебница явися недугом человеческим;
     Радуйтеся, яко от нея всяк с верою приходяй дары целебный приемлет.
     Радуйтеся, светлостию чудес ваших мрак душ наших озаряющии;
     Радуйтеся, нетлением святых мощей ваших зарю общаго всех воскресения нам показующии.
     Радуйтеся, святии и преславнии чудотворцы Петре и Февроние.

     Благодать свыше вам дарованную, познавше, святии чудотворцы Петре и Февроние, с благоговением и любовию покланяемся нетленным и многоцелебным мощем вашим и от них приемлем в недузех исцеление, в скорбех утешение, в бедах благодатную помощь: темже и прославляем вас по достоянию, небесных предстателей и заступников наших, воспевающе хвалы и благодарения вами благотворящему нам Владыце Богу: Аллилуиа.

     Поюще многая и преславная ваша чудеса, велицыи угодницы Божии Петре и Февроние, ублажаем вас, яко целителей, утешителей и помощников от Господа нам дарованных, и молитвенно торжествуем святую память вашу, от любве сердечныя воспевающе вам благодарственно и хвалебно:
     Радуйтеся, во благоухании святыни нетленно почивающии;
     Радуйтеся, с верою приходящих к раце мощей ваших благодатно освящающии.
     Радуйтеся, призывающих молитвенно честная имена ваша скории услышатели;
     Радуйтеся, упование на вас по Бозе возлагающих дивнии помощницы.
     Радуйтеся, известнии умилостивители Царя Небеснаго;
     Радуйтеся, сильнии защитницы наши от врагов невидимых.
     Радуйтеся, приснии всем нам ходатаи спасения;
     Радуйтеся, неотступнии хранители града Мурома.
     Радуйтеся, князей российских пречудная доброто;
     Радуйтеся, отечества вашего Богом дарованнии покровители.
     Радуйтеся, телес наших благодатнии целебницы;
     Радуйтеся, о душах наших усерднии ко Господу молитвенницы.
     Радуйтеся, святии и преславнии чудотворцы Петре и Февроние.

     О святии и преславнии чудотворцы, благовернии княже Петре и княгине Февроние! Приимите милостивно сие похвальное пение от нас недостойных во умилении вам приносимое, и вашим предстательством у Господа испросите нам утверждение в вере и добрых делех, и избавление от всех скорбей и болезней временных и вечных, да сподобимся вкупе с вами и всеми святыми во Царствии Небеснем пети Пресвятей Троице вечно хвалебную песнь: Аллилуиа.

     О велицыи угодницы Божии и предивнии чудотворцы благовернии княже Петре и княгине Февроние, града Мурома предстатели и хранители, и о всех нас усерднии ко Господу молитвенницы! К вам прибегаем и вам молимся с упованием крепким: принесите за нас грешных святыя молитвы ваша ко Господу Богу и испросите нам у благости Его вся благопотребная душам и телесем нашим: веру праву, надежду благу, любовь нелицемерну, благочестие непоколебимое, в добрых делех преуспеяние, мира умирение, земли плодоносив, воздуха благорастворение, душам и телесем здравие и вечное спасение. Исходатайствуйте у Царя Небеснаго: верных рабов Его, в скорби и печали день и нощь вопиющих к Нему, многоболезный вопль да услышит и да изведет от погибели живот наш. Испросите Церкви святей и всей державе Российстей мир, тишину и благоустроение, и всем нам житие благополучное и добрую христианскую кончину. Оградите отечество ваше, град Муром, и вся грады Российския от всякаго зла и вся правоверныя люди, к вам приходящия и мощем покланяющияся, осените благодатным действом благоприятных молитв ваших, и вся прошения их во благо исполните. Ей, чудотворцы святии! Не презрите молитв наших, со умилением вам возносимых, но будите о нас приснии предстатели ко Господу и сподобите нас помощию вашею святою спасение вечное получити и Царствие Небесное унаследовати; да славословим неизреченное человеколюбие Отца, и Сына, и Святаго Духа, в Троице покланяемаго Бога, во веки веков. Аминь.

     Яко благочестиваго корене пречестная отрасль был еси, добре во благочестии пожив, блаженне Петре, тако и с супружницею твоею, премудрою Феврониею, в мире Богу угодивше и преподобных житию сподобистеся. С нимиже молитеся Господеви сохранити без вреда Отечество ваше, да вас непрестанно почитаем.

     Мира сего княжение и славу временну помышляя, сего ради благочестно в мире пожил еси, Петре, купно и с супружницею твоею премудрою Феврониею, милостынею и молитвами Богу угодивше. Темже и по смерти неразлучно во гробе лежаще, исцеление невидимо подаваете. И ныне Христу молитеся сохранити град же и люди, иже вас славящих.

     Ублажаем вас, святии чудотворцы Петре и Февроние, и чтим святую память вашу, вы бо молите за нас Христа Бога нашего.