Портал "Дивное Дивеево"

Официальный сайт Дивеевского монастыря - diveevo-monastyr.ru

Ныне отпущаеши раба Твоего, Владыко, по глаголу Твоему с миром; яко видеста очи мои спасение Твое, еже еси уготовал пред лицем всех людей, свет во откровение языков, и славу людей Твоих Израиля.
На главную Акафисты Акафист святой праведной блаженной Матроне Московской
Акафист святой праведной блаженной Матроне Московской

Кондак 1

Избранная Духом Божиим от пелен младенческих, блаженная старице Матроно, слепоту и немощь телесную ко очищению духовному от Бога приявшая, даром прозрения и чудес обогатилася еси и венцем нетленным от Господа украсилася еси. Сего ради и мы благодарне венец похвальный приносим ти, вопиюще: Радуйся, праведная мати Матроно, теплая о нас к Богу молитвеннице.

Икос 1

Ангел во плоти явилася еси на земли, Матроно блаженная, исполняющи волю Божию. Аще рождество твое в слепоте телесней бысть, но Господь, умудряяй слепцы и любяй праведныя, просвети духовнеи очи твои, да послужеши людем и дела Божии явятся чрез тебе. Мы же с любовию вопием ти таковая:
Радуйся, от младенчества Богом избранная; Радуйся, благодатию Духа Святаго от пелен осененная.
Радуйся, даром чудес измлада обогащенная; Радуйся, премудростию от Бога свыше исполненная.
Радуйся, мысленныма очима волю Божию прозирающая; Радуйся, слепотствующих умом мудрецов века сего посрамляющая.
Радуйся, души заблуждшия к Богу приводящая; Радуйся, скорби и печали утоляющая.
Радуйся, праведная мати Матроно, теплая о нас к Богу молитвеннице.

Кондак 2

Видяще людие и иерей, егда крещаше тя, блаженная, чудный столп облачный над главою твоею и обонявше благоухание велие, дивляхуся, что убо сия отроковица будет, поюще Богу: Аллилуиа.

Икос 2

Разум имея просвещенный, иерей Божий Василий позна, яко крещаемая от него сосуд благодати Божия есть, и тя, праведная Матроно, отроковицу святу нарече. От нашего же усердия приносим ти похвалы сия:
Радуйся, во святей купели благодатию Святаго Духа облагауханная; Радуйся, на персех твоих крест запечатленный имевшая.
Радуйся, молитвеннице, от Бога людем дарованная; Радуйся, свеще неугасимая, пред Господем сияющая.
Радуйся, даром чудотворения от Бога прославленная на земли; Радуйся, венцем неувядаемым от Господа увенчанная на небеси.
Радуйся, милости Божия грешным возвещающая; Радуйся, от источника воды живыя жаждущия напаяющая.
Радуйся, праведная мати Матроно, теплая о нас к Богу молитвеннице.
Кондак 3
Силу Божия благодати ощущающи, еще во младенчестве сущи, Матроно блаженная, ко иконам святым устремлялася еси, и чистым сердцем и младенческими усты хвалу Богу возглашала еси: Аллилуиа.
Икос 3
Имущи от Бога дар прозрения издетска, блаженная мати, сокровенная сердец приходящих к тебе ведущи, и оным будущая, яко настоящая сказующи, многия люди на путь благочестия направляла еси. Темже прославляюще Бога, умудряющаго слепцы, вопием тебе сице:
Радуйся, дивная провидице; Радуйся, сокровенных грехов обличительнице.
Радуйся, помраченных душею пресветлая наставнице; Радуйся, заблуждших милостивая путеводительнице.
Радуйся, звездо, верным путь указующая; Радуйся, свеще, во тьме века сего светящая.
Радуйся, единому Богу послужившая; Радуйся, козни диавольския благодатию Духа Святаго поправшая.
Радуйся, праведная мати Матроно, теплая о нас к Богу молитвеннице.
Кондак 4
Буря недоумения и смятения о чудесех твоих в людех развеяся, мати блаженная, и тии, вразумившу их Господу, дивному во святых Своих, прославиша и восхвалиша тя, Богу же с благодарением воспеша: Аллилуиа.
Икос 4
Слышавше людие, мати Матроно, яко помощь в недузех душевных и телесных подаеши, прихождаху к тебе со упованием, и, совет благоприятен и исцеление получивше, благодаряще Бога, воспеваху тебе:
Радуйся, яко болезнующих и страждующих душею приемлеши; Радуйся, яко мир душам скорбящим даруеши.
Радуйся, в заблуждениих сущих вразумительнице; Радуйся, благочестия учительнице.
Радуйся, печалей наших утолительнице; Радуйся, в скорбех утешительнице.
Радуйся, благая
бессеребренице; Радуйся, недугов всячеких безмездная врачевательнице.
Радуйся, праведная мати Матроно, теплая о нас к Богу молитвеннице.
Кондак 5
Боготечная звезда возсияла еси, мати блаженная Матроно, во дни лихолетия во Отечествии нашем, яко новая исповедница, иго Христово дерзновенно и безбоязненно чрез все житие пронесла еси, и благодатиею Божиею укрепляема, подавала еси недоумевающим вразумление, страждующим ослабу, больным исцеление, благодарственно зовущим Богу: Аллилуиа.

Икос 5
Видяще мнози Российстии людие чудеса и исцеления, Божиею благодатиею от тебе подаваемая: хромым – хождение, разслабленным и на одре лежащим – исцеление, беснующимся – духов злобы отгнание, устремишася к тебе, мати, яко к источнику неисчерпаемому, от него же испивше обильно, умиленным сердцем возопиша тебе таковая:
Радуйся, на путь правый от младенчества призванная; Радуйся, праведнице, от Бога нам дарованная.
Радуйся, целительнице, недуги наша исцеляющая; Радуйся, в нуждах наших скоро помогающая.
Радуйся, душеполезными советы нас вразумляющая; Радуйся, недоумения наша скоро разрешающая.
Радуйся, духи нечистыя от человек отгоняющая; Радуйся, от всякого зла молитвою твоею ограждающая.
Радуйся, праведная мати Матроно, теплая о нас к Богу молитвеннице.
Кондак 6
Провозвестник святости и праведности жития твоего, блаженная мати, явися святый и праведный отец Иоанн Кронштадтский, егда узре тя во храме и наименова тя свою преемницу таже и осмый столп России. Вси же, слышавше сие, прославиша Господа, возглашающе Ему песнь: Аллилуиа.
Икос 6
Возсия молитвами твоими, мати Матроно, свет благодати Божия в сердцах, не ведущих Бога и грехми многими прогневляющих Его. Тии же, видяще чудеса, тобою совершаемая, обращахуся ко Господу, ублажающе тя сице:
Радуйся, подвиги твоими Бога прославляющая; Радуйся, славу Божию нам являющая.
Радуйся, неверныя на путь правый наставляющая; Радуйся, грехми оскверненныя молитвами твоими очищающая.
Радуйся, к покаянию нас призывающая; Радуйся, за вся благодарити Господа нас вразумляющая.
Радуйся, храм Божий любити нас научающая; Радуйся, во ограду церковную расточенныя овцы собирающая.
Радуйся, праведная мати Матроно, теплая о нас к Богу молитвеннице.
Кондак 7
Хотящи Пресвятую Владычицу нашу Богородицу достойно ублажити, мати Матроно, повелела еси людем написати всечестный образ Ея, «Взыскание погибших» именуемый и в храме Божием веси твоея водворити, да вси взирающе на светлый лик Пречистыя, со умилением восхвалят Ю, Господу же возопиют: Аллилуиа.
Икос 7
Новую тя заступницу, молитвенницу и ходатаицу к Богу дарова Господь в годину тяжкую людем Российским, мнози бо отпадаху от Святыя Церкве, ты же, мати, маловерныя и заблуждшия наставляла еси словом и делом, являющи дивная чудеса Божия. Темже воспеваем ти сице:
Радуйся, страны нашея Российския неусыпная печальнице; Радуйся, спасения нашего ходатаице.
Радуйся, Бога, Судии праведнаго, умилостивительнице; Радуйся, недужных и обидимых покровительнице.
Радуйся, немощных и безнадежных помощнице; Радуйся, противу духов злобы непрестанная воительнице.
Радуйся, яко трепещут тя князи бесовстии; Радуйся, яко радуются о тебе ангелы и человецы.
Радуйся, праведная мати Матроно, теплая о нас к Богу молитвеннице.
Кондак 8
Странно маловерным и неразумным бысть, како слепорожденная видети и ведети может не точию настоящая, но и будущая, не ведяху бо силы Божия, в немощи человечестей совершаемыя. Мы же, блаженная мати, премудрость Божию, в тебе явленную зряще, вопием Богу: Аллилуиа.
Икос 8
Всяческия досаждения и обиды, изгнания и укорения претерпела еси, блаженная мати, не сетующи о сем, но за вся благодарящи Бога. Сим же и нас научаеши терпеливно нести крест свой, тебе же благохвалити тако:
Радуйся, в молитве непрестанно пребывавшая; Радуйся, духов злобы постом и молитвою отгнавшая.
Радуйся, мир благодатный стяжавшая; Радуйся, любовию твоею многия окрест тебе спасавшая.
Радуйся, житием твоим изрядно людем послужившая; Радуйся, и по кончине твоей людем непрестанно помогающая.
Радуйся, и ныне нашим прошением тепле внимающая; Радуйся, уповающих на помощь твою не оставляющая.
Радуйся, праведная мати Матроно, теплая о нас к Богу молитвеннице.
Кондак 9
Всякия скорби и болезни аще и претерпела еси, мати Матроно, непрестанно ведущи брань с силами тьмы, обличающи козни и коварства их, и изгоняющи бесы от одержимых, обаче до кончины дний твоих помогала еси страждующим, недугующим и скорбящим, присно поющи Богу: Аллилуиа.
Икос 9
Ветии многовещаннии не возмогут достойно прославити святое житие твое и чудеса, силою Божиею тобою творимая, предивная старице. Мы же, хотяще псаломски хвалити Бога во святых Его и подвизаемии сердечною любовию, дерзаем пети тебе таковая:
Радуйся, узкий путь и тесная врата избравшая; Радуйся, добродетельми многими просиявшая.
Радуйся, вся тленная в житии твоем отвергшая; Радуйся, смирением, яко венцем драгим, украшенная.
Радуйся, евангельски, яко птица небесная, на земли пожившая; Радуйся, Сыну Божию, не имевшему, где главу подклонити, последовавшая.
Радуйся, ныне во обителех райских веселящаяся; Радуйся, и нас, грешных, молящихся тебе, милостию твоею не оставляющая.
Радуйся, праведная мати Матроно, теплая о нас к Богу молитвеннице.
Кондак 10
Спасти хотящи многия люди от страданий телесных и душевных недуг, всенощно пребывала еси, праведнице Божия, в молитве, просящи им помощи и укрепления от Господа нашего Иисуса Христа, поющи Ему: Аллилуиа.
Икос 10
Стена и покров была еси во дни жития твоего, блаженная мати, всем к тебе прибегающим, и по смерти не престаеши ходатайствовати пред Богом о людех, с верою притекающих ко гробу твоему. Темже убо, услыши ныне и нас, грешных, скорбьми, болезньми и многими печальми одержимых и потщися на помощь твоими молитвами, всем, к тебе вопиющим:
Радуйся, обидимых скорая предстательнице; Радуйся, терпящих лишения утешительнице.
Радуйся, честнаго супружества охранение; Радуйся, всех, во вражде сущих, умирение.
Радуйся, неправо на суд влекомых защитительнице; Радуйся, и о виновных пред судом земным к Богу милостивая ходатаице.
Радуйся, лишившихся крова пристанище; Радуйся, о всех к тебе взывающих, заступнице.
Радуйся, праведная мати Матроно, теплая о нас к Богу молитвеннице.
Кондак 11
Пение ангельское слышала еси, мати честная Матроно, еще на земли живущи. Научи и нас, недостойных, како подобает славити Бога, в Троице почитаемаго, Отца и Сына и Святаго Духа, Ему же непрестанно воинства небесная велегласно воспевают: Аллилуиа.
Икос 11
Светозарным светом сияет житие твое, блаженная Матроно, освещая мрак многосуетнаго мира сего, и влечет к себе души наша: яко да и мы лучею благодати Божия озаримся и скорбный путь привременныя жизни богоугодно пройдем и Царствия Божия достигнем, идеже ты, мати, ныне вселилася еси, слышащи глас наш, тебе зовущих:
Радуйся, свеще Божия, присно горящая; Радуйся, бисере честный, блистанием святыни твоея нас озаряющий.
Радуйся, цвете благовонный, Духом Святым нас облагоухающий; Радуйся, каменю веры, малодушныя в благочестии утверждающий.
Радуйся, звездо пресветлая, правый путь нам указующая; Радуйся, добрая воительнице Христова, мечем молитвы демонския полки устрашающая.
Радуйся, яко все житие твое свято и непорочно; Радуйся, яко и смерть твоя пред Господем честна.
Радуйся, праведная мати Матроно, теплая о нас к Богу молитвеннице.
Кондак 12
Благодать Божию обильно еще от пелен восприяла еси, мати блаженная, яже выну пребысть с тобою по вся дни жизни. Веруем несумненно, яко и по успении твоем благодать сия пребогатно пребывает с тобою. Сего ради припадающе молимся: не лиши и нас, еще странствующих на земли, помощи твоея и заступления, просящи Господа помиловати всех, поющих Ему: Аллилуиа.
Икос 12
Поюще многая и дивная твоя чудеса, мати Матроно, восхваляем Бога, даровавшаго граду Москве и Отечеству нашему во дни безбожия и гонения тя, непоколебимый столп благочестия и веры. Ныне же, блаженная мати, благодарным сердцем воспеваем тебе сице:
Радуйся, мир Христов в душе твоей стяжавшая; Радуйся, сего ради многая люди окрест тебе к Богу приведшая.
Радуйся, в немощном теле сущи, силу Божия благодати показавшая; Радуйся, во обретении честных мощей твоих Божию милость нам явившая.
Радуйся, сонма святых Московских изрядное процветение; Радуйся, града Москвы преславное украшение.
Радуйся, Отечества нашего присная пред Богом печальнице. Радуйся, к покаянию и молитве о земли Российстей всех призывающая.
Радуйся, праведная мати Матроно, теплая о нас к Богу молитвеннице.
Кондак 13
О блаженная мати, услыши ныне воспеваемое тебе хвалебное пение и испроси нам у Господа Иисуса Христа грехов оставление, христианския мирныя кончины и добраго ответа на страшном судищи Его, да и мы с тобою сподобимся в селениих райских славити Святую Троицу, вопиюще: Аллилуиа.
(Сей кондак читается трижды)

Икос 1
Ангел во плоти явилася еси на земли, Матроно блаженная, исполняющи волю Божию. Аще рождество твое в слепоте телесней бысть, но Господь, умудряяй слепцы и любяй праведныя, просвети духовнеи очи твои, да послужеши людем и дела Божии явятся чрез тебе. Мы же с любовию вопием ти таковая:
Радуйся, от младенчества Богом избранная; Радуйся, благодатию Духа Святаго от пелен осененная.
Радуйся, даром чудес измлада обогащенная; Радуйся, премудростию от Бога свыше исполненная.
Радуйся, мысленныма очима волю Божию прозирающая; Радуйся, слепотствующих умом мудрецов века сего посрамляющая.
Радуйся, души заблуждшия к Богу приводящая; Радуйся, скорби и печали утоляющая.
Радуйся, праведная мати Матроно, теплая о нас к Богу молитвеннице.
Кондак 1
Избранная Духом Божиим от пелен младенческих, блаженная старице Матроно, слепоту и немощь телесную ко очищению духовному от Бога приявшая, даром прозрения и чудес обогатилася еси и венцем нетленным от Господа украсилася еси. Сего ради и мы благодарне венец похвальный приносим ти, вопиюще: Радуйся, праведная мати Матроно, теплая о нас к Богу молитвеннице.
Молитва
О блаженная мати Матроно, душею на небеси пред Престолом Божиим предстоящи, телом же на земли почивающи, и данною ти свыше благодатию различные чудеса источающи. Призри ныне милостивным твоим оком на ны, грешныя, в скорбех, болезнех и греховных искушениих дни своя иждивающия, утеши ны, отчаянныя, исцели недуги наши лютыя, от Бога нам по грехом нашим попущаемыя, избави нас от многих бед и обстояний, умоли Господа нашего Иисуса Христа простити нам все наши согрешения, беззакония и грехопадения, имиже мы от юности нашея даже до настоящего дне и часа согрешихом, да твоими молитвами получивше благодать и велию милость, прославим в Троице Единого Бога, Отца, и Сына, и Святаго Духа, ныне и присно и во веки веков. Аминь.
Тропарь, глас 2
Богом умудренную блаженную старицу Матрону, земли Тульския процветение и града Москвы преславное украшение, восхвалим днесь, вернии. Сия бо, света дневнаго не познавши, светом Христовым просветися и даром прозрения и исцеления обогатися. Пресельница же и странница на земли бывши, ныне в чертозех Небесных Престолу Божию предстоит и молится о душах наших.
Кондак, глас 7
К служению Христову от чрева матерня предъизбранная, праведная Матроно, стезе скорбей и печалей шествующи, твердую веру и благочестие явивши, Богу угодила еси. Темже, почитающе память твою, молим тя: помози и нам в любви Божии пребывати, старице блаженная.
Величание
Величаем тя, святая праведная блаженная Матроно, и чтим святую память твою, ты бо молиши о нас Христа Бога нашего.
 
Комментарии
Всего комментариев: 306
Страницы:   « 1 2 3 4 5 6 7
2014/01/28, 19:57:54
Святая Блаженная матушка Матрона! Благодарю тебя за то, что помогаешь нам, грешным,в просьбах и чаяниях к Богу нашему Небесному. Прошу тебя, попроси у Господа нашего Иисуса Христа прощения всех наших грехов, вольных и невольных.Пожалуйста, Блаженная Матронушка, помоги мне и сыну моему Евгению справиться с пагубными привычками его. Дай силы ему бросить пить и курить. Много горя принесло его пьянство ему самому и всем, кто находится рядом с ним. Особенно дочери его малолетней, которая страдает от пьянства отца. Очень прошу тебя, Матронушка, наставить Евгения на путь истинный. Помоги ему найти себя в этой жизни. Помоги навсегда избавиться от пристрастия к пьянству и курению. Прошу тебя, прости нас грешных за грехи наши. Очень верим в тебя, Святая Матронушка. Помоги, пожалуйста. Спасибо тебе, дорогая наша Матронушка, за всё, что ты делаешь для нас и для всех людей. Ни единожды обращалась к тебе с просьбой, и каждый раз ты помогала мне. Низкий тебе поклон, дорогая Матронушка. Во имя отца, и сына, и Святого Духа. Аминь.
р.б. Любовь
2013/11/06, 14:19:48
Святая Блаженная Матушка Матронушка! Прости меня грешную. Слезно прошу тебя помоги мне примириться с мужем. Смилуйся матушка, умоли Отца Небесного пусть воссоединит нашу семью. Пусть ни одна разлучница не станет на нашем пути в жизни. Вразуми их Матронушка. Обличи их лукавые дела.Услышь меня умоляю. Милая Матронушка, пошли нам чадо, дай выносить под сердцем Богом дарованное чудо. Не дай врагам видимым и невидимым разрушить нашу семью. Защити от врагов видимых и невидимых, злых, лукавых человек. Во имя Отца и Сына и Святого Духа. Аминь!
р.б. Иоанна
2013/11/01, 20:39:56
Святая Блаженная Матушка Матрона! Благодарю тебя за то, что помогаещь нам грешным в просьбах и чаяниях к Богу нашему Небесному. Прошу тебя заступница наша, помоги мне и моему сыну Василию справиться с недугом душевным. Помоги остаться человеком уважаемым и способным на добрые дела, хорошим отцом и мужем. Помолись, пожалуйста за его семью детей Катерину, Максима.жену Ирину. Пусть в ихнем доме звучат только веселые добрые голоса и музыка. Прошу тебя помолись, чтобы стали они верные служителями Господа нашего и часто посещали церковь. Матрона Святая Блаженная попроси за нас Бога нашего о здравии моей мамы Анастасии и сына Василия и внуков моих Кати и Ммаксима. И пршу простить нас за грехи видимые и невидимые. Благодарю тебя за все, что делаешь для людей.
Инкогнито
2013/08/01, 11:18:22
Святая Блаженная Матушка Матрона!Молю тебя,попроси у Господа нашего Иисуса Христа,прощения всех наших грехов вольных и невольных.Пожалуйста,Блаженная Матронушка,помоги моей дочери поступить учиться. на бюджет.Дай силы мне преодолеть все невзгоды и раздоры в моем доме.Прошу тебя помоги моей дочери,наставь её на путь истинный,чтобы училась с радостью и спокойствием!Святая Блаженная Матушка Матрона!Помоги мне найти достойную высокооплачиваемую работу,чтобы она приносила радость!Наставь мужа моего на путь истинный,чтобы забыл он свои дурные привычки,прекратил сквернословить и достойно зарабатывал,а то что заработает не проходило у него сквозь пальцы!Прошу тебя Святая Блаженная Матушка Матрона не отвернись от меня и моих просьб!Не за себя прошу ,за дочь свою,помоги испроси у Господа Нашего милости к р.б.Анне,р.б.Виктору наставь на путь истинный.Прошу тебя Святая Блаженная Матушка Матрона услышь молитвы мои помоги моей дочери и прошу тебя прости нас грешных за наши грехи.Спасибо тебе Матронушка за дела твои праведные!Низкий поклон дорогая наша заступнице!Во Имя Отца Сына и Святого Духа,ныне и присно и во веки веков.Аминь. р.б. Елена
раба Божья Елена
2013/07/29, 16:52:58
Святая Блаженная Матушка Матронушка! Молю тебя, дорогая наша Блаженная Матронушка, пожалуйста, помоги мне рабе Божьей Натальи помириться с рабом Божьим Дмитрием, убери всё зло, отчаяние и гордость, очисти нас от зависти людской и сглаза. Пожалуйста, Святая Матронушка, помоги, пожалуйста, пусть он первым сделает шаг к примирению. Пусть он поймёт, что совершил ошибку в отношении ко мне, пусть попросит прощения. Помоги нам, пожалуйста, откровенно поговорить друг с другом. Святая Матронушка, Пусть вернется к нам взаимопонимание, уважение, доверие, верни, пожалуйста, все лучшие чувства его ко мне, пожалуйста, убери от нас всё зло. Пусть наше общение будет радостью для нас обоих и это общение пусть будет каждодневным, пусть будут наши отношения ещё крепче, ещё надёжнее и счастливее. Помоги никогда не разочаровывать друг друга. Пожалуйста, Матронушка, Разрушь злые планы недоброжелателей. И прошу тебя, пожалуйста, прости нас грешных за наши грехи. Очень верю в тебя, Святая Матронушка. Помоги, пожалуйста. Спасибо тебе, дорогая Наша Матронушка, за всё, что ты делаешь для меня и для людей!!! Низкий тебе поклон, дорогая Наша Святая Матронушка! Во Имя Отца И Сына И Святого Духа, ныне и присно и во веки веков. Аминь.
раба Божья Наталья
2013/04/17, 14:31:05
Святая Блаженная Матушка Матрона!
Спасибо тебе от всего сердца, за то, что ты слышишь меня всегда и помогаешь мне во всех моих просьбах и чаяниях. Прошу тебя, заступница, помоги мне, рабе Божией Алле, попроси у Отца нашего Небесного, чтобы простил он мне, грешнице, грехи мои, вольные и невольные.
Прошу примирения и любви и спокойствия в нашем доме.
Умягчи и мое злое нечестивое сердце, чтобы отпустила я все обиды и конфликты. Дай мне терпения и любви.
Помоги сыну моему р.б.Василию подготовиться и сдать на отлично гос. экзамен, легко защитить диплом. Помоги ему больше не болеть, пусть этот диагноз никогда не повторится. Помоги ему в работе (пошли ему хороший заработок). Помоги жене его Анне, стать православной христианкой. И чтобы они венчались в церкви.
Сыночек мой р.б.Валентин, пусть вернется домой на совсем. Пошли ему хорошую денежную работу. Хорошую девушку-верующую, добрую, любящую, местную (с квартирой) чтобы создал он крепкую семью.
Помоги всем в нашей семье жить в любви – чтобы ссоры и ненависть закончились и забылись.
Помоги нам обрести отдельное жилье. Чтобы строил он семейную жизнь в своей квартире, в любви и согласии. А я от души, буду ему помогать и делом и молитвой, и всем чем смогу.
Помоги мужу моему р.б.Сергию бросить пить и курить. Пусть станет истинно верующим. И мы будем вместе с ним молиться, ходить в храм, причащаться Святых Тайн.
Помоги и мне осуществить мою мечту : хочу жить вдвоем с мужем моим р.б. Сергием, в квартире нашей и чтобы в моей комнате был большой иконостас с горящей лампадкой. Очень хочу с усердием приносить свои молитвы Господу Богу Нашему - днем и ночью.
р.б. Алла
Добавить комментарий:
Имя:
* Сообщение [ T ]:
 
   * Перепишите цифры с картинки
 
Страницы:   « 1 2 3 4 5 6 7
Подписка на новости и обновления
* Ваше имя:
* Ваш email:
Просьба о помощи
© Vinchi Group
1998-2021


Оформление и
программирование
Ильи
Бог Есть Любовь и только Любовь

Страница сформирована за 0.05300498008728 сек.