Портал "Дивное Дивеево"

Будешь молиться за других - за тебя все Небо будет ходатайствовать. Святой праведный Иоанн Кронштадский.
Комментариев: 28

Тропарь преподобного Сергия, глас 8:
От ю́ности восприя́л еси́ Христа́ в души́ твое́й, преподо́бне,/ и па́че всего́ вожделе́л еси́ мирска́го мяте́жа уклони́тися:/ му́жески в пусты́ню всели́лся еси́/ и ча́да послуша́ния в ней, плоды́ смире́ния, возрасти́л еси́./ Те́м, быв Тро́ице вселе́ние,/ чудесы́ твои́ми всех просвети́л еси́, приходя́щих к тебе́ ве́рою,/ и исцеле́ния всем подая́ оби́льно.// О́тче наш Се́ргие, моли́ Христа́ Бо́га, да спасе́т ду́ши на́ша.

Кондак преподобного Сергия, глас 8:
Днесь, я́ко со́лнце пресве́тло, возсия́вше от земли́,/ честны́я мо́щи твоя́ нетле́нны обрето́шася,/ я́ко благоуха́нный цвет, мно́жеством чуде́с сия́юще,/ и всем ве́рным источа́юще разли́чная исцеле́ния,/ и веселя́ще избра́нное твое́ ста́до,/ е́же му́дре собра́в, до́бре па́ствил еси́./ О ни́хже и ны́не Тро́ице предстои́ши, моля́ся,/ и во́инству победи́тельная на враги́ дарова́ти,/ да вси вопие́м ти:// ра́дуйся, Се́ргие богому́дре.

Тропарь преподобномученицы великой княгини Елисаветы, глас 1:
Смире́нием досто́инство кня́жеское сокры́вши,/ богому́драя Елисаве́то,/ сугу́бым служе́нием Ма́рфы и Мари́и/ Христа́ почти́ла еси́./ Милосе́рдием, терпе́нием и любо́вию себе́ предочи́стивши,/ я́ко же́ртва пра́ведная Бо́гу принесла́ся еси./ Мы же, чту́ще доброде́тельное житие́ и страда́ния твоя́,/ я́ко и́стинную наста́вницу усе́рдно про́сим тя:/ свята́я му́ченице вели́кая княги́не Елисаве́то,// моли́ Христа́ Бо́га спасти́ и просвети́ти ду́ши на́ша.

Кондак преподобномученицы великой княгини Елисаветы, глас 2:
Вели́чие по́двига ве́ры кто пове́сть:/ во глубине́ земли́, я́ко в раи́ све́тлости,/ страстоте́рпица вели́кая княги́ня Елисаве́та/ со А́нгелы во псалме́х и пе́ниих ра́довашеся/ и, убие́ние претерпева́ющи,/ о безбо́жных мучи́телех взыва́ше:/ Го́споди, прости́ им грех сей,/ не ве́дят бо, что творя́т./ Тоя́ моли́твами, Христе́ Бо́же,// поми́луй и спаси́ ду́ши на́ша.

17 июля Русская Православная церковь молитвенно вспоминает мученическую кончину семьи последнего российского императора. Современные историки, писатели, политики, да и простые обыватели неоднозначно оценивают роль и значение Николая II в истории России.

Тропарь царственных страстотерпцев, глас 4:
Днесь, благове́рнии лю́дие, све́тло почти́м/ седмери́цу честну́ю ца́рственных страстоте́рпец,/ Христо́ву еди́ну дома́шнюю Це́рковь:/ Никола́я и Алекса́ндру,/ Алекси́я, О́льгу, Татиа́ну, Мари́ю и Анастаси́ю./ Ти́и бо, уз и страда́ний многоразли́чных не убоя́вшеся,/ от богобо́рных смерть и поруга́ние теле́с прия́ша/ и дерзнове́ние ко Го́споду в моли́тве улучи́ша./ Сего́ ра́ди к ним с любо́вию возопии́м:/ о святи́и страстоте́рпцы,/ гла́су покая́ния и стена́нию наро́да на́шего вонми́те,/ зе́млю Росси́йскую в любви́ к Правосла́вию утверди́те,/ от междоусо́бныя бра́ни сохрани́те,/ мир ми́рови у Бо́га испроси́те// и душа́м на́шим ве́лию ми́лость.

Кондак царственных страстотерпцев, глас 8:
Избра́ннии Царе́м ца́рствующих и Го́сподем госпо́дствующих от ро́да царе́й Росси́йских,/ благове́рнии му́ченицы,/ му́ки душе́вныя и смерть теле́сную за Христа́ прии́мшии/ и венцы́ Небе́сными увенча́вшиися,/ к вам, я́ко покрови́телем на́шим ми́лостивым,/ с любо́вию благода́рне вопие́м:/ ра́дуйтеся, ца́рственнии страстоте́рпцы,// за Русь Святу́ю пред Бо́гом усе́рднии моли́твенницы.

Величание царственных страстотерпцев:
Велича́ем вас,/ святи́и ца́рственнии страстоте́рпцы,/ и чтим честна́я страда́ния ва́ша,/ я́же за Христа́// претерпе́ли есте́.

Сегодня уже известно насколько важна была победа над Курском, фактически решающая исход войны 1941-1945гг. Эта победа ковалась не только на фронте, но и в пещерах Псково-Печерского монастыря.
Комментариев: 1

Тропарь святителя Филиппа, глас 8:
Первопресто́льников прее́мниче, сто́лпе правосла́вия,/ и́стины побо́рниче, но́вый испове́дниче,/ святи́телю Фили́ппе, положи́вый ду́шу за па́ству твою́,/ те́мже, я́ко име́я дерзнове́ние ко Христу́,/ моли́ за Оте́чество на́ше, за град же и лю́ди,// чту́щия досто́йно святу́ю па́мять твою́.

Кондак святителя Филиппа, глас 3:
Правосла́вия наста́вника и и́стины провозве́стника,/ златоу́стаго ревни́теля, Росси́йскаго свети́льника,/ Фили́ппа прему́драго восхва́лим,/ пи́щею слове́с свои́х разу́мно ча́да своя́ пита́юща:/ той бо язы́ком хвале́ния поя́ше,/ устна́ма же пе́ние веща́ше,// я́ко таи́нник Бо́жия благода́ти.
Комментариев: 1

Тропарь Положения честной ризы Пресвятой Богородицы, глас 8:
Богоро́дице Присноде́во,/ челове́ков покро́ве,/ ри́зу и по́яс пречи́стаго Твоего́ телесе́/ держа́вное гра́ду Твоему́ обложе́ние дарова́ла еси́,/ безсе́менным рождество́м Твои́м нетле́нна пребыва́ющи,/ о Тебе́ бо и естество́ обновля́ется и вре́мя./ Те́мже мо́лим Тя мир гра́ду Твоему́ дарова́ти// и душа́м на́шим ве́лию ми́лость.

Кондак Положения честной ризы Пресвятой Богородицы, глас 4:
Одея́ние всем ве́рным нетле́ния, Богоблагода́тная Чи́стая,/ дарова́ла еси́, свяще́нную ри́зу Твою́,/ е́юже свяще́нное те́ло Твое́ покрыва́ла еси́,/ Покро́ве всех челове́ков,/ ея́же положе́ние пра́зднуем любо́вию/ и вопие́м со стра́хом Ти, Чи́стая:// ра́дуйся, Де́во, христиа́н похвало́.

Человек сотворен не только по образу Троицы, изначально имеющим в своем триединстве: ум, слово и дух от рождения. Но и свободным по подобию, ибо в ком живет Любовь, тот живет не по страху, а по совести, и Бог открывает ему все пути для достижения задуманного.
Комментариев: 3

Тропарь бессребреников, глас 8:
Святи́и безсре́бреницы и чудотво́рцы Космо́ и Дамиа́не,/ посети́те не́мощи на́ша:// ту́не прия́сте, ту́не дади́те нам.

Кондак бессребреников, глас 2:
Благода́ть прии́мше исцеле́ний,/ простира́ете здра́вие су́щим в ну́ждах, вра́чеве,/ чудотво́рцы пресла́внии,/ но ва́шим посеще́нием ра́тников де́рзости низложи́те,// мир исцеля́юще чудесы́.
Комментариев: 1

Комментариев: 1

Комментариев: 1

Тропарь апостолов, глас 4
Апо́столов первопресто́льницы/ и вселе́нныя учи́телие,/ Влады́ку всех моли́те/ мир вселе́нней дарова́ти// и душа́м на́шим ве́лию ми́лость.

Кондак апостолов, глас 2:
Ка́мень Христо́с ка́меня ве́ры прославля́ет све́тло,/ ученико́в преизря́дна,/ и с Па́влом весь дванадесяточи́сленный собо́р днесь,/ и́хже па́мять соверша́юще ве́рно,// сих Просла́вльшаго прославля́ем.
Комментариев: 1